Epilogu i Superkupës evropiane, 12 persona të arrestuar për mashtrim me bileta

Edhe pse më herët organet e rendit dhe gjyqësore lëshuan paralajmërime për mashtrime që mund të bëhen me biletat e Superkupës së Evropës, në Shkup përsëri është blerë dhe shitur bileta ku çmimi në tregun e zi ka qenë dhjetëfish më i shtrenjtë se çmimet e caktuara nga UEFA.

Para dhe pas ndeshjes janë arrestuar 12 persona të përzier në shit-blerjen e biletave. Shtatë persona janë shtetas të huaj ndërsa pesë janë qytetarë të Maqedonisë, shkruan Telegrafi Maqedoni.

Dy anglezë të moshës 44 dhe 33 vjeçare janë munduar të shesin bileta origjinale për shtetasit 21 dhe 25 vjeç nga Ukraina. Në vend se të shohin lojën ata janë vendosur prapa grilave në stacionin policor Karposh.

Edhe dy qytetarë të Maqedonisë janë kapur duke tentuar të ri-shesin bileta tek 3 persona tjerë nga Maqedoni.

Në këtë ”lojë” janë përfshirë edhe rus, serb dhe spanjoll.

Ndërsa, një maqedonas dhe një shtetas i Bullgarisë janë arrestuar për shitje të materialeve të brenduara me shenjat e ekipeve garuese.

Përndryshe, dje në Shkup është luajtur finalja e Superkupës evropiane ku janë përballur Real Madrid dhe Manchester United. /Telegrafi/