Disa ditë pasi komuna e Gjakovës është paditur për segregacion, del se edhe një shkollë fillore në Fushë Kosovë ka ndarë fëmijët në baza etnike.
Në shkollën fillore “Selman Riza” në Fushë Kosovë, klasa e parë e mësuesit Sejdi Reshica ka gjithsej 39 nxënës – të gjithë nga komuniteti rom, ashkali dhe egjiptian.
Reshica, me përkatësi shqiptare, thotë se kjo ndarje është bërë që nga fillimi i vitit të ri shkollor, në shtator 2012, por se nuk ndjen asnjë përgjegjësi për këtë ndarje në baza etnike.
Ai shton se prindërit e fëmijëve shqiptarë i kishin tërhequr fëmijët nga klasa e tij.
“Unë punoj që 33 vjet si mësues. I mësoj të gjithë në klasë dhe nuk bëj dallime pa marrë parasysh se çka janë: shqiptarë apo shkali”, Reshica tha për Gazetën Jeta në Kosovë. “Mirëpo që është klasa e ndarë, unë nuk kam asnjë përgjegjësi”.
Sipas tij, nuk ka asnjë qëllim të keq pas faktit se kjo klasë është e ndarë.
Gazeta Jeta në Kosovë ka kontaktuar drejtorin e shkollës, Sahit Dragusha. “Kjo çështje është duke u rregulluar”, tha ai. Drejtori nuk pranoi të japë më shumë detaje.
Më herët gjatë këtij muaji, më 16 janar, tetë prindër të komunitetit Rom, Ashkali dhe Egjiptian kanë paditur komunën e Gjakovës për shkak të segregacionit duke krijuar një klasë të ndarë në shkollën fillore “Mustafa Bakija”.
Qendra Evropiane për Çështje të Minoriteteve (ECMI), që i përfaqëson këta prindër në gjykatë, thoshte se “kjo praktikë diskriminuese është shprehimisht e ndaluar nga legjislacioni i Kosovës si dhe me Konventën Evropiane për të Drejtat e Njeriut”. Sipas saj, praktika të ngjashme ishin parë por ishin evituar më pas në Ferizaj dhe në Pejë.
Drejtori i ECMI-së, Adrian Zeqiri, i tha Gazetës ‘Jeta në Kosovë’ se nuk ka dëgjuar për klasën e ndarë në Fushë Kosovë, por se organizata e tij do ta vizitojë shkollën.
Zeqiri tha se nëse ky rast nuk do të rregullohet, atëherë ECMI është e gatshme të përfaqësojë sërish prindërit dhe të marrë masa për të ngritur padi kundër komunës.
“Nëse një klasë ka vetëm këtë komunitet, atëherë ky është rast tipik i segregacionit dhe i diskriminimit”, Zeqiri.
“Selman Riza” ka gjithsej 112 nxënës të klasës së parë që vijnë nga komuniteti Rom, Ashkali dhe Egjiptian.
Bekim Hajolli, prind i njërit prej fëmijëve nga klasa e ndarë, tha se kishte dëgjuar për këtë rast, mirëpo nuk kishte mundësi që të ndryshojë gjendjen.
“Unë kisha pasur dëshirë që kjo të klasë të jetë e përzier edhe me shqiptarë”, thotë Hajolli.
Ai shtoi se në këtë klasë “të gjithë duhet të mësojnë së bashku pa marrë parasysh religjionin, ngjyrën apo përkatësinë etnike të fëmijëve”. /Telegrafi/
Promo
Reklamo këtuLufta Prigozhin - Putin
Më shumëBuleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Server: Qeveria e re e Serbisë me bashkëpunëtorë të sulmit terrorist të Banjskës
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Fundjava e parë pa kufi Kosovë-Shqipëri, qytetarët: Jemi një komb, s’duhet të ketë kurrë kontrolle
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak