LAJMI I FUNDIT:

Dogana e Kosovës, konfiskon pije alkoolike pa banderola

Dogana e Kosovës, konfiskon pije alkoolike pa banderola

Gjatë dy ditëve të fundit, Dogana e Kosovës (DK), ka konfiskuar sasi të pijeve alkoolike pa banderola. Sasia në tërësi e alkoolit të konfiskuar është rreth 650 shishe në paketim 0.7 l, të llojeve të ndryshme.

Dogana e Kosovës, ka vazhduar aksionin nëpër kompani të ndryshme për të verifikuar banderolat në pijet alkoolike.

Gjatë këtij aksioni në rajonin e Mitrovicës dhe Gjilanit, njësitë e DK kanë zbuluar sasi të pijeve alkoolike me banderola të falsifikuara dhe pije alkoolike pa origjinë. Në një komunikatë për media thuhet se e tërë sasia e zbuluar është konfiskuar, kurse hetimet mbi falsifikimin e banderolave dhe prodhimin e këtyre pijeve alkoolike janë duke vazhduar.

Sasia në tërësi e alkoolit të konfiskuar ishte rreth 650 shishe në paketim 0.7 l, të llojeve të ndryshme. Aksioni i tillë ende është duke u zhvilluar në tërë territorin e Kosovës. Andaj Dogana i bënë thirrje të gjithë qytetarëve të Kosovës, të mos konsumojnë pije alkoolike pa banderola, sepse përveç që shkaktojnë humbje në taksa për buxhetin e Kosoves, gjithashtu janë të prodhuara ilegalisht dhe në menyrë të pakontrolluar.