Institucionet mikrofinanciare luajnë një rol të rëndësishëm në ekonominë dhe shoqërinë e një vendi, sidomos në vende në zhvillim.
Roli i tyre është njohur dhe madje ka arritur që të fitojë njërin nga çmimet më prestigjioze botërore, atë të Nobelit në vitin 2006. Roli i institucioneve mikrofinanciare në shoqëri përkufizohet më së miri në citatin e Komitetit Norvegjez i cili i akordoi çmimin ideatori të mikrofinancave Muhamad Yunus, ku thuhet se “ paqja e qëndrueshme nuk mund të arrihet nëse një numër i madh i njerëzve nuk arrijnë të dalin nga varfëria, dhe se zoti Yunus dhe institucioni i tij financiar Grameen, ka arritur që edhe atyre nga shtresat më të varfra tu jepet një mundësi për zhvillimin e tyre.”
Ndër këta rreshta mund ta gjejnë veten edhe shumë kosovarë të cilët kanë përfituar nga institucione mikrofinanciare për të ndjekur ëndrrën e tyre.
Viteve të fundit, Institucionet Mikrofinanciare (IMF) në vend janë rritur vazhdimisht, dhe sot janë pjesë e rëndësishme e sektorit financiar. E megjithëkëtë, debati rreth tyre është i rrallë dhe i kufizuar padrejtësisht vetëm tek normat e interesit që ato ofrojnë, duke i konsideruar si tejet të larta pa i studiuar kushtet dhe ofertën.
Edhe pse ato norma kanë shënuar rënie vit pas viti, ne punojmë në vazhdimësi me legjislativin vendor për mundësinë e reformimit dhe uljes edhe të mëtejshëm të normave tona të interesit. Pikërisht reformimi i veprimtarisë së këtyre institucioneve ka qenë temë e disa mediave në Kosovë ditëve të fundit. Andaj, si përfaqësues i Asociacionit të IMF-ve, AMIK, e shoh të rëndësishme të jap disa komente duke tentuar që t’i kontribuoj sadopak shtimit të informatave për këtë çështje.
IMF-të ofrojnë para të gatshme me procedura të shpejta për klientë që duan të afrojnë shpejt. Ideja e themelimit të tyre para disa dekadave ishte që t’iu shërbejë klientëve të cilët anashkalohen nga bankat komerciale duke vënë pragje të larta për kredi. Aktualisht, pjesa dërmuese e bankave në Kosovë nuk japin kredi me vlera më të vogla se 5 mijë apo 10 mijë euro, që në mënyrë thuajse automatike i përjashton një pjesë të konsiderueshme të qytetarëve në Kosovë.
Ajo që synojmë ne është që të shtojmë shërbimet tona me produkte të reja, siç janë transferta, e pagesa, në mënyrë që të mund të krijojmë të ardhura të cilat do të na mundësonin uljen e normave të interesit edhe më tej. Po ashtu, reformimi duhet të përfshijë edhe çështjet pronësore, gjë që do të mundësonte krijimin e të ardhurave shtesë për organizatat tona anëtare dhe qëllimet e tyre kontribuuese, ide mbi të cilën edhe janë themeluar këto lloj institucionesh.
Rezultat i kësaj do të jetë shtimi i numrit të degëve të IMF-ve që do të kontribuonte edhe në rritjen e punësimit.
Nuk duhet harruar që sot në tregun kosovar janë futur edhe institucione të reja jobankare, të cilat ofrojnë kredi me norma më të larta. Në këto kushte, reformimi i IMF-vë – si një mekanizëm i dëshmuar për financim të shpejt për nevoja personale apo biznesore – është mëse i domosdoshëm.
Duhet thënë se Kosova ka një treg të lirë, që garanton mundësinë e zgjedhjes në mesin e shumë ofertave. Andaj, është e pakuptueshme, madje ndoshta edhe dashakeqe përpjekja për denigrimin e vazhdueshëm të imazhit të IMF-ve.
Aktualisht, IMF-të në Kosovë u shërbejnë rreth 78 mijë klientëve përmes 115 degëve të shtrira në mbarë vendin. Portofolio e kredive aktive ka arritur në mbi150 milionë euro, dhe një pjesë e konsiderueshme e huave janë dhënë për ndërmarrës të cilët kanë zgjeruar aktivitetin e tyre biznesor.
Në kohën kur papunësia në vend vazhdon të jetë e lartë, ky sektor ndihet krenar që ka arritur t’u jap ndihmesë burrave e grave që kanë krijuar biznese të vogla të qëndrueshme, duke punësuar jo pak njerëz. Kështu, IMF-të në Kosovë kanë arritur të përmbushin në masë të konsiderueshme synimin që t’u gjenden afër njerëzve të cilët mbesin të pa shërbyer nga bankat komerciale.
Të drejtën për të synuar suksesin e ka çdo njeri dhe ajo nuk duhet mohuar me mekanizma dhe barriera që këtë të drejtë e rezervon vetëm për disa.
Nga Arsim Bruçaj – Autori është Drejtues i Asociacionit të Institucioneve Mikrofinanciare të Kosovës./Telegrafi
Promo
Reklamo këtuLufta Prigozhin - Putin
Më shumëVera 2024 - 7 ditë pushime në Antalya duke filluar nga 328 euro
Çmimet më të mira për Ramazan në Emona Center
Kosova do të bëhet me impiant fotovoltaik diellor me kapacitet 100 MW, Murati: Projekti më i madh në rajon i këtij lloji
Sa afër jemi nga kryerja e pagesave me kriptovaluta
LINE Group ju pret në panairin më të madh në botë për dyer, dritare dhe fasada “Fensterbau Frontale” në Gjermani
Murati: Ekonomia e vendit në rritje, për tri vite i janë shtuar 2.9 miliardë euro
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Përfito nga zbritja dhe apliko në trajnimin për Bazat e Menaxhimit të Burimeve Njerëzore
Zbulo qysh mundesh me i vesh gërshetat me ZBRITJE
Më të lexuarat
Konfirmojnë lidhjen e dashurisë - Erolld Belegu dhe Diola Dosti shfaqen më të lumtur se kurrë
Deklarimet e Vuçiqit për luftë, deputeti gjerman i reagon ashpër Borrellit e Lajçakut, po e akuzoni Kurtin pa arsye
Aeroplani supersonik që ishte më i shpejtë se Concorde
Babai i Gentian Bejtjes: Nëse djali im ka vrarë e ka prerë, i jap dorën atij që e vrau!
Premtimi i Abelard Tahirit: Nëse Kurti edhe një herë bëhet kryeministër, unë e lë mandatin e deputetit
Barcelona i përgjigjet çmimit që Man Utd i ka vënë kartonit të Greenwood