Cilat klube janë në gjendje të bëjnë ofertë për Kylian Mbappen?

Kylian Mbappe është hidhëruar me Paris Saint-Germainin edhe pse nënshkroi kontratë të re, pasi klubi parisien i premtoi atij një sërë gjërash, por ata e kanë injoruar këtë gjë dhe francezi nuk dëshiron të qëndrojë më.

Ka tension mes klubit dhe lojtarit, ku mësohet se ai synon të largohet nga PSG që në janar.

Megjithatë, gjasat që kjo të ndodhë janë shumë të vogla, pasi është një operacion shumë kompleks. Nëse ai nuk largohet, është e qartë se Mbappe do të jetë gjithashtu një emër kryesor në afatin kalimtar të verës, por cilat skuadra mund të bëjnë një ofertë realisht?

A është Liverpool favoriti i madh për të nënshkruar me Mbappen?

Në korrik, Mbappe shprehu pakënaqësinë e tij me klubin francez publikisht. Prandaj, klubi parisien vendosi një çmim për largimin e tij prej 400 milionë eurove dhe i hapi derën vetëm një ekipi: Liverpoolit.

Reds janë aktualisht më të pozicionuarit për të larguar Mbappe nga Franca. Lojtari nuk do të ishte i pakënaqur të zbriste në Anfield dhe të drejtohej nga Jurgen Klopp, me të cilin ka një marrëdhënie të shkëlqyer.

Trajneri gjerman do të ishte i lumtur ta kishte atë dhe tashmë e ka pranuar se ata janë të vëmendshëm ndaj situatës së tij.

Real Madridi nuk po mendon për Mbappe… për momentin

Real Madridi mbetet destinacioni i preferuar i Mbappes. Francezi e ka pranuar se ka gabuar që ka rinovuar me PSG-në dhe nuk ka nënshkruar për gjigantët spanjoll.

Refuzimi i tij për një lëvizje në “Santiago Bernabeu’ erdhi si një befasi e madhe, pasi u konsiderua si e mirëqenë se ai do të drejtohej nga Carlo Ancelotti në 2022/23.

Pavarësisht synimeve të francezit, Real Madridi nuk e ka harruar ‘tradhtinë’ e tij. Ata nuk duan të ndihen përsëri të përdorur nga ai, ndaj nënshkrimi i tij është lënë në pritje deri në një njoftim tjetër.

Megjithatë, mbetet për t’u parë nëse Real Madridi do ta mbajë këtë qëndrim gjatë muajve të ardhshëm, veçanërisht nëse sulmuesi insiston të dëshirojë të luajë për Los Merengues.

Në fund të fundit, ai është një yll i klasit botëror dhe klubi gjithmonë kërkon të nënshkruajë me më të mirët.

A mund të luajë Mbappe me Haalandin në Manchester City?

Manchester City nënshkroi me Erling Haalandin në verë, duke i dhënë skuadrës së Pep Guardiolës armën e fundit që u kishte munguar, duke i bërë ata edhe më të prirur për të fituar çdo trofe.

Por, ata tani mund të jenë në gjendje të nënshkruajnë me Mbappen dhe ta bëjnë dyshe me Haalandin. Duket disi e pamundur që të dy të mund të bashkëjetojnë në të njëjtin ekip, por nuk është hera e parë që shqyrtohet ky opsion.

Kur dukej se Mbappe do të shkonte në Real Madrid, ata gjithashtu donin të blinin edhe Haalandin dhe të bashkonin dy yjet në mënyrë që të dominonin vërtetë futbollin evropian.

Kjo nuk duket veçanërisht e mundshme për momentin, por nuk do të kishte kufij financiarë që do ta ndalonin Manchester Cityn të nënshkruajë Mbappe. /Telegrafi/