Chelsea refuzon t’i ofrojë Dembeles pagë të majme

Ousmane Dembele ka në tryezë një kontratë të re me Barcelonën dhe një ofertë nga Chelsea. Për momentin ai nuk i është përgjigjur asnjërit prej tyre.

Oferta e The Blues do t’i jepte francezit më shumë para, raporton ‘Diario Sport‘, por gjithsesi nuk do të mjaftonte për të plotësuar kërkesat financiare të lojtarit. Megjithatë, gjërat mund të ndryshojnë me një bonus transferimi.

Kontrata e Dembeles me Barcelonën skadon për tre ditë. Klubi i bëri atij një ofertë, së cilës ai ende nuk i është përgjigjur. Klubi po mendon të caktojë një afat deri në 1 korrik për të marrë një vendim.

Lexo po ashtu Epoka e Boehlyt te Chelsea pritet të nisë me gjashtë top transferime - formacioni i bluve duket i "frikshëm" për çdo skuadër

Chelsea gjithashtu thuhet se i ka bërë atij një ofertë. Megjithatë, francezi mesa duket ka mbetur pak i zhgënjyer dhe nuk i plotëson pritshmëritë e tij për pagën.

Oferta e skuadrës së Ligës Premier është financiarisht më e lartë se ajo e Barcelonës, por është ende më pak se ajo që Dembele donte të fitonte.

Francezi mendoi se Chelsea do të hidhte më shumë para në tavolinë. Problemi është se, në të njëjtën kohë, klubi po punon për nënshkrimin e Sterling dhe kështu që i ka detyruar ata të reduktojnë ofertën e tyre për lojtarin e Barçës.

Lexo po ashtu Dembele humb durimin me Barcelonën, këtë javë vendos për të ardhmen e tij

Dallimi midis ofertave të Chelseat dhe Barcelonës është se klubi londinez po i ofron atij më shumë para, por jo shumë. Prandaj, Dembele ka filluar të ketë mendime të dyta për lëvizjen. Ai po pyet veten nëse ia vlen të ndryshohet klubi për një diferencë kaq të vogël në pagë.

Rinovimi i tij te Barca, thekson ‘Sport’, duket i vështirë, por nuk është përjashtuar. Dembele dëshiron ta mendojë siç duhet. Oferta e Chelseat mund të rritet pak nëse klubi përfshin një bonus transferimi, por ky opsion nuk do të ishte mjaft i mirë as për Dembelen.

Saga e francezit vazhdon të ecë. Futbollisti duhet të përgjigjet së shpejti për të dyja klubet nëse presin të planifikojnë sezonin 2022-23 për të parë nëse do të jetë me apo pa të. /Telegrafi/