Chelsea publikon raportin financiar për vitin 2022 – humbje miliona euro

Chelsea ka publikuar raportin financiar për vitin 2022, derisa u bë e ditur se ata kanë pasur humbje për shkak të sanksioneve të vendosura ndaj ish-pronarit Roman Abramovich sezonin e kaluar.

Blutë detajuan një humbje të përgjithshme neto prej 130 milionë euro, pavarësisht se gjeneruan fitim afro 135 milionë në shitjen e lojtarëve, raporton Daily Telegraph.

Chelsea bëri të ditur se do të vazhdojë të jetë në përputhje me rregulloret financiare të UEFA-s dhe Ligës Premier, pavarësisht se ka shpenzuar një rekord botëror prej mbi 700 milionë euro në dy afatet e fundit kalimtare.

Lexo po ashtu Katër stadiumet ku Chelsea mund të luajë, në rast se kalon plani për ridazjnimin e Stamford Bridge

Kjo përkundër sanksioneve të vendosura ndaj Abramovich nga Qeveria e Mbretërisë së Bashkuar në mars 2022, pasi sulmet ruse ndaj Ukrainës, bënë që të ketë kufizime ndaj klubit londinez.

Sipas një licence të posaçme të lëshuar nga Departamenti për Dixhital, Kulturë, Media dhe Sport, ata nuk mund të mblidhnin të ardhura nga aktiviteti i ndeshjeve, shitja, ngjarjet apo partneritetet tregtare.

Chelsea njoftoi gjithashtu një shpenzim të papërcaktuar të njëhershëm prej 34 milionë euro për shkak të sanksioneve dhe pandemisë COVID-19.

Lexo po ashtu Eksod te Chelsea: 13 lojtarët që nuk e kanë vendin të sigurt në Stamford Bridge

Shitjet e lojtarëve, duke përfshirë ato të Tammy Abraham te Roma, Marc Guehi te Crystal Palace, Fikayo Tomori te Milani dhe Kurt Zouma te West Ham United, ndihmuan në minimizimin e humbjeve në një vit që Romelu Lukaku u transferua nga Interi në një rekord të atëhershëm të klubit. Marrëveshje prej 115 milionë euro.

Chelsea është në listën vëzhguese të UEFA-s për shpenzimet e tyre dhe aktualisht ndodhet në vendin e 10-të në Ligën Premier, duke u përballur me një skenar të mundshëm për të humbur mbi 100 milionë euro të ardhura nëse dështon të kualifikohet në Ligën e Kampionëve sezonin e ardhshëm. /Telegrafi/