Chelsea i premton talentit të Bayernit vendin në skuadrën e parë, vetëm që të kalojë Stamford Bridge

Chelsea i ka ofruar talentit të Bayern Munichut, Tirben Rhein, kontratë profesionale që nga vitit 2020, atëherë edhe kur skadon dënimi i tyre nga FIFA, bëjnë të ditura mediat angleze.

Lojtari 16-vjeçar është njëri ndër talentët më të mëdhenj në Gjermani, derisa ka zhvilluar gjashtë paraqitje me grupmoshat U-16, duke shënuar një gol.

Mesfushori sulmues ka kontratë me kampionët e Bundesligës deri në vitin 2021, por skuadra londineze po tenton ta bind atë me idenë e inkuadrimit në skuadrën e parë.

The Blues i kanë ofruar Rheinit një kontratë profesioale nga viti 2020, e që do ta përfshijnë në skuadrën e parë sa më shpejtë të jetë e mundur.

Sport1 raporton se Bayerni e konsideron si lojtar të paprekshëm, pasi talenti i tij i shfaqur në grupmoshat e reja, ka bërë që të jetë lider në skuadrën U19 që drejtohet nga Martin Demichelis në sezonin e ri.

Lexo po ashtu Historike, një gjyqtare femër gjykon në Superkupën e Evropës

Bavarezët po shpresojnë që ta mbajnë talentin në skuadër, derisa ka shënuar 12 gola dhe ka bërë katër asistime në grupmoshat U17 në sezonin e kaluar.

Chelsea do të tentojë t’i bëjë presion skuadrës gjermane, ashtu siç i bënë këta të fundit për Callum Hudson-Odoin në janar të këtij viti. /Telegrafi/