LAJMI I FUNDIT:

Çfarë ndryshime ligjore u bënë për forcimin e kontrollit të kufirit?

Çfarë ndryshime ligjore u bënë për forcimin e kontrollit të kufirit?

Qeveria ka miratuar së fundmi Projektligjin për Kontrollin Kufitar, ku ka bërë disa ndryshime. Ato, sipas MPB-së, do të rregullojë kompetencat e policisë brenda shtetit dhe bashkëpunimin ndërmjet institucioneve në menaxhimin kufitar. 

Krahas masave në terren, Kosova ka bërë edhe ndryshime ligjore për ta forcuar kontrollin e kufirit shtetëror.

Qeveria ka ndryshuar dhe plotësuar Ligjin për këtë çështje rreth tre muaj pas sulmit terrorist serb në Banjskë.


Në parim, kjo nismë legjislative që tani është në fazën e projektligjit, sipas Ministrisë së Punëve të Brendshme, do të rregullojë çështjet që kanë të bëjnë me kontrollin kufitar, kompetencat e policisë brenda shtetit dhe bashkëpunimin ndërmjet organeve shtetërore të cilat kanë kompetencë menaxhimin kufitar.

Ndër risitë në projektligj është shtimi i një paragrafi të ri në nenin që flet për përcaktimin dhe shënjimin e vijës kufitare, i cili i jep edhe një detyrë Ekzekutivit.

“Qeveria e Kosovës me akt nënligjor miraton mënyrën e shënjimit dhe mirëmbajtjen e vijës kufitare të Republikës së Kosovës”.

Qeveria miraton Projektligjin për rritjen e sigurisë kufitare, Sveçla: Synojmë të forcojmë kontrollin e kufirit shtetëror
Lexo po ashtu Qeveria miraton Projektligjin për rritjen e sigurisë kufitare, Sveçla: Synojmë të forcojmë kontrollin e kufirit shtetëror

I pandryshuar ka mbetur neni i cili flet për njësitë dhe mjetet policore për mbikëqyrjen e kufirit.

“Mbikëqyrja e kufirit mund të kryhet edhe me mjete teknike, duke përfshirë edhe mjetet elektronike. Gjatë kryerjes së mbikëqyrjes së kufirit Policia e Kosovës është e autorizuar që të shfrytëzojë qen kufitar dhe të vendosë pengesa me të cilat pamundësohet kalimi ilegal i kufirit shtetëror”.

Miratimi i këtij projektligji, MPB thotë se është paraparë në planet strategjike dhe operacionale të Qeverisë për periudhën 2021-2025.

“Projektligji për Kontrollin e Kufirit është ndryshuar për disa qëllime kryesore, ku kryesore ka qenë avancimi i harmonizimit të Projektligjit me acqui të BE-së. Në këtë drejtim janë përcaktuar rregullat për Informacionin Paraprak për Udhëtarë (IPU) dhe për Regjistrin me Emrat e Udhëtareve (REU)”, thuhet nga Ministria e Punëve të Brendshme.

Pas futjes se sasive të mëdha të armatimit nga terrori i Serbisë dhe sulmit terrorist në Banjskë, me kërkesë të Kosovës NATO ka përforcuar kontrollin e brezit kufitar me këtë shtet.

Kosova e Serbia kanë rreth 350 kilometra vijë kufitare, e ndër vite, nuk kanë qenë të pakta incidentet në zonat përreth tij, me forcat serbe që shumë herë kanë shkelur brenda territorit kosovarë e kanë kryer edhe akte si rasti i fundit i kidnapimit të tre policëve në mes të muajit qershor./Tv Dukagjini/

Në trend Lajme

Më shumë
Toshkovski: Së paku 51 persona të vdekur në tragjedinë në Koçan

Toshkovski: Së paku 51 persona të vdekur në tragjedinë në Koçan

Kronikë e Zezë
Zjarr në një diskotekë në Koçan të Maqedonisë së Veriut, raportohet për viktima dhe të lënduar

Zjarr në një diskotekë në Koçan të Maqedonisë së Veriut, raportohet për viktima dhe të lënduar

Kronikë e Zezë
Rama ndan pamjet nga Tuneli i Murrizit: Na e mori shpirtin, por e lidhëm Rrugën e Arbrit

Rama ndan pamjet nga Tuneli i Murrizit: Na e mori shpirtin, por e lidhëm Rrugën e Arbrit

Lajme
Pamje se si nisi zjarri i kobshëm për dhjetëra viktima në Koçani

Pamje se si nisi zjarri i kobshëm për dhjetëra viktima në Koçani

Kronikë e Zezë
Trump kërkon mbylljen e dy mediave, veprimtarët shqiptarë: Për ne, roli i Zërit të Amerikës dhe Radios Evropa e Lirë do të mbetet historik

Trump kërkon mbylljen e dy mediave, veprimtarët shqiptarë: Për ne, roli i Zërit të Amerikës dhe Radios Evropa e Lirë do të mbetet historik

Lajme
KQZ shpalli rezultatet përfundimtare, LVV merr 42.30%, PDK - 20.95%, LDK - 18.27%

KQZ shpalli rezultatet përfundimtare, LVV merr 42.30%, PDK - 20.95%, LDK - 18.27%

Politikë
Kalo në kategori