Çfarë gare për titullin në Maqedoni, Struga, Shkupi dhe Shkëndija me pikë të barabarta tre xhiro para fundit!

Gara për titullin në Superligën e Maqedonisë së Veriut është bërë shumë e nxehtë tre xhiro para mbylljes së sezonit.

Tre ekipet shqiptare që luftojnë për titullin, Struga Trim Lum, Shupi dhe Shkëndija kanë pikë të barabarta, secila me nga 58 pikë.

Skuadra tetovare fitoi një ndeshje dramatike në xhiron e fundit kundër Brerës, duke përmbysur negativën nga 0:2 në 3:2 dhe u barazua me pikë me Strugën dhe Shkupin të cilët pësuan humbje në xhiron e fundit.

Pas tre vendeve të para ka ndryshuar renditja, ku nuk është më Sileksi, pasi vendin e katërt e ka marrë Tikveshi me 42 pikë, duke lënë pas vetes skuadrën nga Kratova me një pikë më pak dhe Gostivarin që ka 40 pikë.

Në pozitën e shtatë vjen Rabotniçki me 38 pikë, duke u ndjekur nga Voska Sport dhe Brera me nga 37 pikë.

Pozita e 10-të i takon Vardarit me 32 pikë dhe dy pozitat e fundit mbahen nga Makedonija Gjorçe Petrov dhe Bregallnica me nga 26 pikë secila.

Xhiroja e radhës në Superligën e Maqedonisë së Veriut do të luhet të shtunën. /Telegrafi/