California raportoi 142 vdekje të reja shkaku coronavirusit, duke e rritur numrin e përgjithshëm në 10,011, sipas të dhënave nga Departamenti i Shëndetit Publik të shtetit.

Gjersa California ka numrin më të madh të të infektuarve në SHBA, numri i të vdekurve është ende nën atë të New Yorkut dhe New Jerseyt, raporton CNN.

Shteti kalifornian ka gjithsej 538,416 raste pozitive me COVID-19, përfshirë 8,436 raste të reja të shtuara gjatë ditës së premte, transmeton Telegrafi.

Departamenti i shëndetësisë paralajmëroi gjithashtu se ka pasur raportime të vogla të rasteve për shkak të problemeve me sistemin elektronik.

Numri i rasteve gjatë një periudhe 14-ditore tani është 6.1 për qind, sipas departamentit të shëndetësisë. /Telegrafi/