Butland shihet si zëvendësues i Courtois te Chelsea

Chelsea është gati të nisë një ofertë për portierin e Stoke Cityt, Jack Butland.

Blutë e Londrës janë të interesuar të përforcojnë skuadrën e tyre për sezonin e ri pas marrjes së drejtimit nga trajneri italian Maurizio Sarri.

Sipas The Mirror, Real Madridi ka për qëllim transferimin e Thibaut Courtois dhe kjo mund të bëjë që Chelsea të vihet pas një portieri të ri.

Lexo po ashtu Chelsea e sheh Pickfordin si zëvendësues të Courtois

Ky medium thekson se Chelsea nuk do të lejojë që portieri belg, i cili është i etur të largohet, të ikë nga Stamford Bridge deri sa të ketë nënshkruaj një zëvendësim.

Portieri i Stoke Cityt, Butland është emëruar si një kandidat potencial, pasi Everton janë të vendosur të rezistojnë çdo oferte për heroin e ri të Anglisë, Jordan Pickford.

Në të vërtetë, Everton pritet t’i ofrojë Pickfordit një kontratë të re para fillimit të sezonit për të zgjidhur të ardhmen e tij.

Lexo po ashtu Chelsea rikthen vëmendjen kah Cillessen

Përveç Pickfordit dhe Butlandit, klubi londinez është lidhur edhe me një transferim të portierit të Barcelonës, Jasper Cillessen.

Në anën tjetër, Blutë tashmë kanë nënshkruar me 38-vjeçarin Roberto Green, i cili pritet të jetë portieri i tretë në sezonin e ri. /Telegrafi/

Lexo po ashtu Zyrtare: Chelsea nënshkruan me portierin 38-vjeçar, Robert Green