Berisha: Shqipëria, një superfuqi e vogël

Kryeministri Sali Berisha ka deklaruar se Shqipëria do të bëhet një superfuqi e vogël e energjisë së rinovueshme në Ballkan.

Kryeministri ka theksuar se vendi ynë mund të ecë e sigurt si një Green Albania, pasi burimet e saj janë të panumërta dhe ka ftuar bankat e mëdha që të financojnë në këtë sektor.

“Shqipëria është një vend me burime të madha të energjisë së rinovueshme. Ky vend derdh në det 6 herë më shumë ujëra se sa ka sipërfaqen e saj. Është vendi më malor në rajon, por i bekuar se malet e tij janë të pasura me ujë. Shqipëria mund të ecë e sigurt si një Green Albania, burimet e saj janë të panumërta”, tha Berisha.

“Qeveria është e gatshme të vendosë kuadrin ligjor më stimulus për ndërtimin e tyre, por ftoj edhe bankat e mëdha që të konsiderojnë financimin e këtyre projekteve në sektorin privat, por dhe të potenciat eksportues të Shqipërisë. Shqipëria do të bëhet një superfuqi e vogël në Ballkan. Potenciali i Shqipërisë është shumë i madh në fushën e erës. Shqipëria është një nga vendet më me diell në rajon dhe Evropë dhe ka një potencial të madh të energjisë diellore”, theksoi Berisha.