Barcelona ‘shpartallon’ Valladolidin në shtëpi, shkëlqen Raphinha me het-trik

Barcelona ka shënuar fitore me rezultat të thellë 7-0 ndaj Real Valladolidit në shtëpi në kuadër të javës së katërt në La Liga.

Dominimi i blaugranasve u bë i qartë që nga fillimi i ndeshjes dhe kjo u shpërblye me gol në minutën e 20-të kur Raphinha shënoi për 1-0 pas asistimit të Pau Cubarsit.

Vetëm pak minuta më vonë ata shënuan edhe golin e dytë, kësaj radhe me anë të Robert Leëandoëskit (24’) i cili realizoi për 2-0 pas asistimit të Lamine Yamal.

Pak sekonda para përfundimit të pjesës së parë, Jules Kounde (47’) e shfrytëzon një top të kthyer brenda zonës duke çuar topin në rrjetë për 3-0.

What a spectacular first half! 🙌

— FC Barcelona (@FCBarcelona) August 31, 2024

Të besuarit e Hansi Flick nuk u ndalën as në pjesën e dytë, ku arritën të shënojnë në portën e mysafirëve edhe në katër raste të tjera.

Për rezultatin 4-0 u përkujdes sërish braziliani Raphinha (64’) i cili reagoi shpejt dhe pa probleme e mposhti portierin Hein.

I njëjti lojtari gjeti sërish rrjetën pas asistimit fantastik të Lamine Yamal, duke shënuar në minutën e 72-të për rezultatin 5-0 dhe duke kompletuar kështu het-trikun në këtë sfidë.

𝐇𝐀𝐓 𝐓𝐑𝐈𝐂𝐊 𝐌𝐀𝐍 🔥🇧🇷 pic.twitter.com/xKRwhwBQRg

— FC Barcelona (@FCBarcelona) August 31, 2024

Pas dy shtyllave të goditura, Dani Olmo më në fund u shpërblye me gol dhe këtë e gjeti në minutën e 83-të duke shënuar për 6-0.

Goli i fundit në këtë takim u shënua në minutën e 85-të ku sërish në skenë doli Lamine Yamal i cili asistoi sërish kësaj radhe për Ferran Torres i cili shënoui për rezultatin përfundimtar 7-0.

Pas kësaj ndeshje Barcelona renditet si lider në La Liga me 12 pikë të grumbulluara, ndërsa pas pauzës me kombëtare do të luajë ndaj Gironës në udhëtim./Telegrafi/