Barcelona planifikon të nënshkruajë me një sulmues anësor dhe një mbrojës krahu këtë verë

Klubi katalunas, Barcelona thuhet se ka vendosur për objektivat e saj për afatin kalimtar të verës së këtij viti, ku dy janë pozitat që synon të përforcohet.

Sipas mediumit Relevo, drejtori sportiv i klubit, Deco, është në kërkim të një sulmuesi anësor me përvojë me një histori të provuar në ligat kryesore.

Barcelona po shqyrton disa lojtarë të njohur dhe marrëveshja e mundshme pritet të kushtojë nga 60 deri në 70 milionë euro.

🚨🚨🌕| Barcelona is looking for a left winger and a versatile full-back for next season.

[@relevo] pic.twitter.com/jLmkjL84ms

— Managing Barça (@ManagingBarca) March 18, 2025

Për më tepër, klubi nga Camp Nou planifikon të nënshkruajë edhe me një mbrojtës krahu të aftë për të luajtur në të dy anët.

Vihet re se, për momentin, Barcelona ende nuk e di se sa do të mund të shpenzojë për transferime këtë verë, pasi buxheti do të varet nga respektimi i rregullave të Fair Play Financiar.

Përveç kësaj, planet e klubit mund të ndryshojnë në varësi të faktit nëse ata e fitojnë titullin këtë sezon apo Ligën e Kampionëve. /Telegrafi/