Barça rihap luftën për titull, çfarë do bënin katalunasit pa Messin? (Video)

Barcelona ka fituar në derbin e javës së 24 në La Liga ndaj Atletico Madridit me rezultat 1-2, duke hapur kështu luftën për titull.

Mysafirët ishin më mirë këtë takim dhe ishte një fitore e merituar, e mirëpritur , por shumë e vështirë.

Shansi i parë serioz në takim erdhi nga Antoine Griezmann në minutën e 16-të, por Marc-Andre ter Stegen më një pritje të mrekullueshme nuk ia lejoi golin francezit.

Në minutën e 38-të në skenë doli edhe Jan Oblak, i cili me një pritje të bukur ia mohoi golin Lionel Messit nga gjuajta e lirë dhe me rezultatin 0-0 përfundoi pjesa e parë.

Pjesa e dytë filloi me rastet e Luis Suarez dhe Griezmann, por për golin e parë në takim u përkujdes Rafinha në minutën e 64.

Pas gjashtë minutash vendasit barazuan me anë të Diego Godin, pas një asistimi nga Koke.

Ndërsa goli i fitores erdhi nga Lionel Messi në minutën e 86-të. Ky ishte goli i 22-të i Messit ndaj Atleticos në La Liga.

Pas kësaj fitore Barcelona ngjitet në pozitën e parë me 54 pikë, dy më shumë se Real Madridi në pozitën e dytë, por Los Blancos kanë dy ndeshje më pak.

Atletico vazhdon në pozitën e katër me 45 pikë. Ndeshja e ardhshme e Barçës është ndaj Gijonit, kurse Atletico udhëton ndaj Deportivo de La Corunas. /Telegrafi/

http://www.dailymotion.com/video/x5dac36_atletico-madrid-1-2-barcelona-all-goals-26-02-2017-hd_sport