Policia e Vlorës ka dhënë detaje të reja në lidhje me arrestimin e njërit prej personave më të kërkuar në vend, 26-vjeçarit Delin Hajdaraj.
Ai është marrë në pyetje disa herë me qëllim zbulimin e personave që e kanë ndihmuar gjatë këtyre viteve në arrati, të cilët pas identifikimit do të arrestohen.
Sipas burimeve, i riu nuk ka pranuar të identifikojë asnjërin prej ndihmësve të tij, raporton “Panorama”.
Por, pas sekuestrimit të telefonit dhe hetimit që do t’i bëhen komunikimeve të tij në rrjetet sociale, pritet që bashkëpunëtorët e tij të mund të identifikohen. Deri në atë moment, policia i druhet faktit se ata do të mund të kenë kohë të mjaftueshme për t’u larguar jashtë vendit.
Për grupin e hetimit është e habitshme që asnjëri prej miqve dhe të afërme që ka qenë në dijeni të vendndodhjes së tij, nuk e ka tradhtuar për ta denoncuar. Ky veprim do t’i siguronte atij veç anonimitetit, edhe shpërblimin e publikuar nga policia prej 10 mijë dollarësh.
Por, pavarësisht kësaj, Hajdaraj ka mundur të jetojë në arrati për rreth katër vite dhe asnjëri prej bashkëpunëtorëve të tij nuk e telefonuan policinë. Që prej vrasjes së trefishtë, ku mbetën të vdekur tre plazhistët, Sokol Isufaj, Serdi Bajlozi dhe Diana Ademi, 26- vjeçari ka jetuar në qytetin e Vlorës.
Ai ndërronte herë pas here banesat, për të mos rënë gjatë në sy në të njëjtën lagje. Që prej muajit gusht të 2016- s, Hajdaraj kishte marrë me qira tri banesa, për të cilat ai ka deponuar se ia paguante i vëllai që jeton në Bruksel dhe e dashura spanjolle. Rezulton se i kërkuari, nuk ekspozohej vetë as nëpër dyqane. Këtë e konfirmojnë edhe pronarët e subjekteve përreth pallatit ku ka jetuar i riu.
Sipas tyre, pas arrestimit dhe ekspozimit të fotove të të arrestuarit në media, ata janë habitur për faktin se nuk e kishin parë asnjëherë të blinte tek ata. Edhe pronari i një lokali afër pallatit mohon që i kërkuari të jetë futur ndonjë herë për kafe. Konflikti në të cilin u përfshi 26-vjeçari ka nisur në të njëjtën ditë kur ndodhi edhe vrasja e trefishtë, më datë 28.07.2013.
Rreth orës 16:00, në lagjen “Ujë i Ftohtë”, në plazhin e Kalasë, kanë qenë duke pushuar motrat e Leo Osmenit (arrestuar dhe dënuar me 35 vite burg për ngjarjen). Motrat Osmeni kanë njoftuar vëllain e tyre duke i kërkuar atij ndihmë, pasi po i ngacmonin 2-3 djem.
Leo Osmeni, me automjetin e tij tip “Fuoristradë”, me targë V 7863 WDE, ka shkuar drejt vendit ku ndodheshin motrat e tij dhe rrugës ka njoftuar për ndihmë edhe shokun e tij (kushëririn e largët), Delin Hajdaraj.
Osmeni është konfliktuar fizikisht me një nga djemtë që ndodheshin aty, Albano Konomi, duke e goditur këtë të fundit me kaçavidë. Në konflikt e sipër ka ardhur Delin Hajdaraj, i cili kishte marrë me vete një armë zjarri automatik, model 56, dhe ka qëlluar në ajër, si dhe në drejtim të personave të tjerë të cilët po pushonin në plazh, nga ku mbetën të vrarë tre plazhistë, që nuk kishin asnjë lidhje me konfliktin.
Promo
Reklamo këtuLufta Prigozhin - Putin
Më shumëGjendet trupi i pajetë i 9-vjeçares, fati ende i paditur për nënën dhe dy fëmijët e tjerë që dyshohet se janë vetëmbytur në Shkodër
Deputeti gjerman, Abraham: Pranimi i Kosovës në Këshillin e Evropës është e vetmja rrugë përpara
Daçiq: Ndërkombëtarët po i bëjnë presion Kurtit për Asociacionin
Spitali i Prishtinës, mbi 50 milionë euro investim dhe 400 vende të reja të punës
Dhuna dhe largimi nga banesa dyshohet se e detyruan gruan të mbytet me tre fëmijët e saj në Shkodër, çfarë dihet deri tani për rastin?
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak