Al Nassr nuk e mohon transferimin e Ronaldos: E ardhmja do të bëhet e ditur në momentin e duhur

Drejtori sportivi i Al Nassr, Marcelo Salazar, ka thënë se klubi saudit do të presë në lidhje me transferimin e Cristiano Ronaldos dhe e ardhmja do të bëhet e ditur në momentin e duhur.

Në një intervistë për Flashscore, portugezo-braziliani ka theksuar se nuk është i autorizuar të thotë po ose jo në lidhje me mundësinë e transferimit të superyllit portugez.

“Do të presim të shohim se si do të zhvillohen gjërat deri në fund të vitit. Duhet ta kuptoni, janë bisedime të përmasave të mëdha, jo vetëm për klubin, por edhe për vendin dhe botën e futbollit, dhe duhet të kryhet në një nivel më të lartë”, është shprehur ai.

Salazar nuk i ka kursyer edhe lëvdatat për Ronaldon duke thënë se e konsideron si njërin prej më të mirëve në histori të futbollit.

“Ai ka qenë gjithmonë një shembull për mua si sportist, për vullnetit që tregon për të fituar. Dhe pastaj, si shtetas portugez, gjithmonë e kam mbështetur. Por, në momentin e duhur do të bëhet e ditur e ardhmja”, ka shtuar drejtori. /Telegrafi/