“Ai është një dhuratë për futbollin”, Ancelotti shpreh kënaqësinë me Luka Modric

Pas tri ndeshjeve radhazi pa fitore në La Liga, Real Madridi mori një fitore të rëndësishme prej 2-0 ndaj Gironës në ‘Santiago Bernabeu’. 

Është një rezultat që siguron se kampioni në fuqi do të kthehet me pikë të barabarta me liderin Barcelonën. 

Si do që të jetë, Carlo Ancelotti ishte i lumtur me performancën që ekipi i tij e shfaqi ndaj Gironës. 

Sipas Marca, ai u ndje se ishte një fitore e rehatshme, teksa pati disa fjalë për David Alaba i cili luajti si titullar për herë të parë pas 14 muajsh, pasi po ballafaqohej me rikuperimin nga këputja e ligamentit. 

“Ne kontrolluam, ne luajtëm mirë. Ne jemi mirë, lajmi më i mirë ishte rikuperimi i Alabas. Ai luajti mirë 60 minuta, shumë rehat dhe ne kemi filluar t’i rikuperojmë pjesët në mbrojtje”. 

Lexo po ashtu Legjenda gjermane mbështet Real Madridin për ta eliminuar Atletico Madridin nga Liga e Kampionëve

“Unë isha në gjendje që ta pushoja Valverde, Rudiger. Ne po arrijmë në pjesën më të rëndësishme të sezonit në top formë”. 

Tekniku italian gjithashtu e veçoi Modric për t’i dhënë disa lëvdata të veçanta. 

This angle of Luka Modric’s goal WOW pic.twitter.com/dS2WaOBFjk

— WolfRMFC (@WolfRMFC) February 23, 2025

Mesfushori kroat shënoi një gol fantastik për t’i dhënë epërsinë Real Madridit, teksa pjesa tjetër e performancës së tij bëri që në fund të shpallej lojtari i ndeshjes nga La Liga. 

“I kam përdorur të gjitha fjalët për Modric. Nuk kam asgjë të re për të. Ai është gjithmonë spektakolar”. 

“Ai është një dhuratë për futbollin. Ai duhet të luajë për aq gjatë sa dëshiron. Ne kemi qenë me fat që kemi një legjendë që ka shënuar një epokë këtu dhe një dhuratë të madhe për kualitetin dhe profesionalizmin e tij”, përfundoi 65-vjeçari./Telegrafi/