Vinicius është larg marrëveshjes së re me Real Madridin – ai dëshiron kontratën më të madhe në historinë e klubit

Vinicius Junior është duke negociuar me Real Madridin për të zgjatur kontratën e tij, e cila aktualisht vlen deri në vitin 2027.  

Mediat spanjolle raportuan se braziliani ishte afër një marrëveshjeje me klubin, por The Athletic raporton se agjenti i Vinicius pretendon se ata nuk janë aspak afër.  

Braziliani dhe agjenti po kërkojnë kontratën më të madhe në historinë e klubit dhe një pagë vjetore prej më shumë se 30 milionë euro. Një shumë pak më e madhe se sa e fitonte Cristiano Ronaldo sa luante për Real Madridin.  

Nëse do ta arrinte, atëherë ai do të ishte lojtari më i paguar në histori të Los Blancos.  

Sulmuesi brazilian iu bashkua Real Madridit nga Flamengo në korrik 2018. Që atëherë, ai është bërë një nga lojtarët kryesorë të klubit, i njohur për shpejtësinë e tij të jashtëzakonshme, driblimin dhe aftësinë për të shënuar gola të rëndësishëm.  

Lexo po ashtu Vinicius Jr përballet me një pezullim prej dy vitesh nga FIFA

Gjatë karrierës së tij në Madrid, Vinícius fitoi gjithsej 14 trofe. Ai fitoi dy herë Ligën e Kampionëve (2022 dhe 2024), La Ligën tri herë (2020, 2022 dhe 2024) dhe Superkupën e Spanjës tri herë (2020, 2022 dhe 2024).  

Ai gjithashtu fitoi Copa del Rey në 2023, Superkupën e FIFA-s dy herë (2022 dhe 2024) dhe Kupën e Botës për Klube (2018 dhe 2022). 

Këtë sezon, Vinícius Júnior ka luajtur 47 ndeshje, ka shënuar 20 gola dhe ka regjistruar 14 asistime në të gjitha garat.  

Ai u paraqit 27 herë në La Liga, duke shënuar 11 gola dhe duke dhënë shtatë asistime. /Telegrafi/