Kreu i Shërbimit Informativ Shtetëror (SHISH), Visho Ajazi do të raportojë të mërkurën në Komisionin e Sigurisë. Ky lajm u bë i ditur nga Kryetari i Komisionit të Sigurisë, Spartak Braho.
Braho ka theksuar se, në rast se SHISH ka bërë përgjime në kundërshtim me ligjin do të merren masa drastike, pasi është shkelur rëndë ligji. “Nuk kam dijeni që SHISH ka dhënë urdhër për përgjime, përfshirë edhe mua”, tha Braho.
“Nuk di gjë që SHISH-i ka urdhër për përgjime, nuk di gjë që unë përgjohem. Dhe po ju them se nuk ka bir nëne që të më përgjojë mua”, tha Braho.
“Nëse përgjimet janë bërë në kundërshtim me rregullat që përcakton ligji i veprimtarisë së SHISH-it do të merren masa drastike, sepse është shkelur rëndë ligji”, theksoi Kryetari i Komisionit të Sigurisë Kombëtare.
Duke shpjeguar masat që mund të merren nëse ka pasur shkelje të ligjit nga drejtuesit e SHISH-it, Braho tha se personat që kanë urdhëruar përgjime të paligjshme do të mbajnë përgjegjësi administrative dhe penale. I pyetur nëse do të mblidhet komisioni për situatën e shpërthimeve me tritol, Braho tha se ”Komisioni nuk merret me shpërthimet me tritol, sepse me shpërthimet me tritol merret opozita”
Drejtori i Shërbimit Informativ Shtetëror emërohet nga Presidenti i Republikës me propozim të Kryeministrit (Kushtetuta, neni 92). Ndërsa ligji për funksionimin e SHISH-it (neni 5) parashikon që drejtori dhe zëvendësdrejtori i tij emërohen e shkarkohen nga Presidenti i Republikës me propozim të Kryeministrit.
Raportimi vjen me kërkesë të PD-së, pas akuzave të ngritura nga ministri i Brendshëm, Saimir Tahiri.
Tahiri ka akuzuar SHISH-in se nuk ka dhënë informacione në lidhje me rastet e shpërthimeve me eksploziv.
“Të mërkurën është parashikuar të raportojë kreu i SHISH-it, i cili do flasë për raportin vjetor dhe mbi një problem të ngritur nga mediat në vend për emërimet në Shërbimin Informativ Shtetëror”, tha Braho, teksa theksoi se mbledhja do të zhvillohet me dyer të mbyllura.
Ajazi do të raportojë me kërkesë të opozitës, në lidhje me denoncimet në media për përgjimet që janë kryer nga SHISH-i për drejtuesit e lartë të policisë, si dhe për akuzat e Tahirit në lidhje me shpërthimet me eksploziv. Përveç policisë, SHISH akuzohet se ka përgjuar edhe drejtues të lartë të tatimeve, doganave, drejtorë, prefektë dhe deputetë. /Shekull/
Lufta Prigozhin - Putin
Më shumëRegjistrimi i diasporës: Çfarë përfiton Kosova?
Ekipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania
Meloni reagon ndaj emisionit investigativ të Rai3: Linçoi Ramën se mbrojti Italinë
"Daily Mail" shkruan për kosovarin me nënshtetësi angleze që po mbahet në një burg ferri në Serbi
Kryetari i Istogut deklaron mbi 3 mijë euro kursime në bankë, e bashkëshortja e tij vetëm 30
Italiania e dashuruar me Sarandën: Sa erdha thashë do të jetoj këtu, tani kam biznes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur