Ikja e të rinjve nga vendi nuk mund të parandalohet me kërcënime policore ndaj trafikantëve e as me apele drejtuar të rinjve të zhgënjyer, vlerësojnë përfaqësues të partive opozitare. Ata theksojnë se për ta parandaluar ikjen, qeveritarët duhet të fokusohen tek projektet për zhvillim politik.
Rritja ekonomike prej rreth dy për qind në vit nuk mund të stimulojë hapjen e vendeve të reja punës për 330 mijë persona të papunë në Kosovë, ka vlerësuar Avdullah Hoti, drejtues i Grupit të ekspertëve për çështje ekonomike të LDK-së.
Sipas tij, kjo rritje ekonomike nuk siguron vende pune as përreth 25 mijë të rinj që hyjnë në tregun e punës çdo vit.
“Një i ri që mbaron arsimin, ka vetëm 10 për qind gjasa të gjejë punë. Edhe nëse është me fat dhe gjen punë, me të ardhurat që mund të sigurojë prej rreth 300 euro në muaj, e ka të pamundur të nisë jetën e re dhe të ndërtojë familje. Domosdo që kjo i shtynë qytetarët të marrin rrugën e emigracionit”, ka theksuar Hoti për Telegrafin.
Ai ka vlerësuar si fat të mirë faktin që kosovarët jetojnë në familje të mëdha dhe kujdesen për njëri-tjetrin në kuadër të familjes, përndryshe emigracioni do të ishte shumë më i lartë.
Hoti i ka quajtur absurde reagimet e drejtuesve të Ministrisë të Punëve të Brendshme dhe Ministrisë së Integrimeve Evropiane, pas raportimeve për se mijëra të rinj kosovarë gjenden në burgjet e Hungarisë, pasi janë kapur gjatë tentimit për të emigruar në Evropën Perëndimore.
“Është e gabuar qasja e tyre për të kufizuar emigracionin nëpërmjet shtrëngimit të kontrolleve kufitare dhe lutjeve drejtuar të rinjve që mos të braktisin vendin. Një i ri mund bindet të qëndrojë nëse rriten gjasat që ai të gjejë punë”, ka thënë Hoti.
Të rinjtë kosovarë që janë kapur në Hungari kanë emigruar përmes Serbisë dhe ata nuk kanë pasur asnjë kufizim për të udhëtuar fillimisht Serbi. Sipas Hotit, kontrolli kufitar për të kufizuar emigracionin është krejtësisht i paefektshëm.
Deputeti nga radhët e Lëvizjes Vetëvendosje, Liburn Aliu, ka vlerësuar se njëra prej dështimeve më të mëdha të Qeverisë aktuale dhe të atyre të mëhershme është fakti që nuk është menduar për zhvillim ekonomik dhe për përmirësimin e gjendje sociale.
“Kjo ikje e madhe nga Kosova tregon shumëçka. Është për të ardhur keq që qytetarët sot mendojnë se ‘më mirë’ ishte në vitet e mëparshme gjatë komunizmit, kur pati një sistem diskriminues. Megjithëse, edhe atëherë në vitet ’70 pati një zhvillim”, ka thënë Aliu në Kuvendin e Kosovës.
Përfaqësuesit opozitarë i bëjnë thirrje Qeverisë që të kujdesen që të krijojnë vende pune, mirëqenie dhe prosperitet, për ta parandaluar ikjen e të rinjve. /Telegrafi/
Lufta Prigozhin - Putin
Më shumëNga Rubrika
Kryetari i Istogut deklaron mbi 3 mijë euro kursime në bankë, e bashkëshortja e tij vetëm 30
Çmimet e banesave në Manastir shkojnë në nivele rekord, 1600 euro për metër katror
“Daily Mail” shkruan për kosovarin me nënshtetësi angleze që po mbahet në një burg ferri në Serbi
Bie nataliteti në Kosovë, ASK dhe MPB me statistika të ndryshme për lindjet
LVV në Prishtinë akuzon Përparim Ramën, thonë se po planifikon të keqpërdorë një tender në vlerë prej 10 milionë euro
Shqiptohen 10 gjoba për dhënien e "Ozempic" pa recetë të mjekut - Spitali i Gjilanit raporton për tre raste me efekte të dyshimta nga përdorimi i tij
Një veturë mbi 5 mijë euro dhe disa para të kursyera, çfarë pasurie ka Drejtori i Përgjithshëm i Policisë, Gazmend Hoxha?
Viti, vidhet një kasafortë me para
Italiania e dashuruar me Sarandën: Sa erdha thashë do të jetoj këtu, tani kam biznes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur