Partia Social Demokrate, ka hedhur kritika të ashpra në adresë të Qeverisë së Republikës së Kosovës, duke thënë se po rrinë indiferentë ndaj raporteve të fundit ndërkombëtare që paraqesin vendin tonë një ndër vendet me shkallë të korrupsionit më të lartë në rajon dhe vendin ku çdo herë po shënon rënie liria e qytetarit.
Kryetarja e PSD-së, Majlinda Nushi, gjatë një konference për media të mbajtur të shtunën, ka paraqitur vizionin e partisë që ajo drejton, duke thënë se Social Demokratët, kanë zgjidhje adekuate për t’i tejkaluar problemet që aktualisht janë prezentë në vendin tonë.
Ajo ka shpalosur punën dhe angazhimin e saj, prej kur është zgjedhur në krye të PSD-së, pas aderimit të Agim Çekut në PDK, duke përmendur disa vizita që i ka bërë në disa institucione të rëndësishme evropiane.
Duke komentuar situatën politike dhe ekonomike në vend, Nushi ka shprehur shqetësimet e PSD-së, për raportet ndërkombëtare, duke përfshirë edhe Raportin e “Freedon House”, që sipas saj paraqesin një gjendje të rëndë socio-ekonomike në vend, duke mos përjashtuar as atë politike.
“Mosfunksionimi i shtetit në aspekt të ligjshmërisë, pastaj, raportet e fundit për Kosovën ngrenë shqetësime edhe më serioze duke na prezantuar si shtet me shkallë të lartë korrupsioni. Nuk ka fare transparencë e të mos flasim për shkallë reciprociteti diplomatik dhe politik mes Serbisë dhe Kosovës. Marrëveshja me Serbinë na obligon të gjitha partive të kemi deklarim pozicional të qartë që pesha e përgjegjësisë të rezultojë bindshëm në ndërgjegjen tonë qytetare e shtetërore. Mjerisht kjo nuk po ndodhë”, ka thënë ajo, transmeton Kosovapress.
PSD, nuk është e kënaqur as me reformën zgjedhore, duke kritikuar partitë parlamentare, se po marrin vendime që janë në kundërshtim me Kushtetutën e Republikës së Kosovës.
“Me reformën zgjedhore përgjithësisht nuk jemi të kënaqur. Pikësëpari dua të ceki se ne nuk jemi të përfshirë në diskutime për reformën dhe e dyta është keqvajtja e procesit në tërësi ku partitë e mëdha janë ato që marrin vendime autarkike duke shkelur me dy këmbë mbi lirinë, demokracinë dhe vetë Kushtetutën. Ne jemi në proces e sipër të përgatitjes së platformës zgjedhore, por nuk jemi të kënaqur me zhvillimet aktuale në Kosovë”, ka thënë ai.
Ndërsa, Kaqusha Jashari, nënkryetare e PSD-së, duke komentuar marrëveshjen e arritur në Bruksel mes kryeministrit Hashim Thaçit dhe atij serb Ivica Daqicit, ka pohuar se PSD-ja përkrahë këtë marrëveshje, por edhe dialogun që po vazhdon, mirëpo konsideron se ky dialog nuk po përmirëson jetën e qytetarëve shqiptarë, por as atyre serb.
“Serbisë i duhet që të anëtarësohet në BE dhe ajo po pret një shpërblim për t’i nisur negociatat për anëtarësim. Ndërsa për neve është shumë me rëndësi se duhet t’i nisim negociatat për Marrëveshjen e Stabilizim-Asocimit. Mendojmë se negociatat deri më tani nuk kanë arritur të kuptohen si domosdoshmëri apo nevojë për të mirën e qytetarëve, qoftë shqiptarëve apo serbëve në Kosovë, e po ashtu edhe serbëve në Serbi”, ka thënë ajo.
Drejtues të PSD-së, me këtë rast kanë bërë të ditur se janë duke u përgatitur për zgjedhjet komunale dhe ato parlamentare, duke formuar degë dhe nëndegë të reja nëpër komuna dhe shprehen bindjen se pragun prej pesë për qind do ta kalojnë pa problem.
PSK, shpreson se zgjedhjet e ardhshme do të amortizojnë mbisundimin e partive të mëdha, duke shkuar drejt balancimit të forcave politike, çka sipas drejtuesve të saj, do të ishte mirë edhe për demokracinë dhe vet shtetin e Kosovës. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t’u imponohet shteteve për të kundërshtuar Kosovën në KiE
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Zëvendësministri për Kthim: Sot është tentuar të vritet Marko Jablanoviq, sulmuesit i dështoi “Shkorpioni”
Tragjedia në Shkodër, vijon edhe gjatë natës kërkimi në lumin Bunë për nënën dhe dy fëmijët
Policja që u raportua e zhdukur paraqitet në stacionin e Rahovecit
DW: Sinjale alarmi nga Ballkani - po përsëritet historia?
Basha i reagon AGK-së dhe Sekretarit të Federatës Evropiane të Gazetarëve: Jam deputet i pavarur në mendime, Kosova nuk është autokraci
Kosova në Këshillin e Evropës, me apo pa kushte?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak