Ministri i Forcës së Sigurisë së Kosovës, Agim Çeku, nën nderimin e Gardës Ceremoniale të FSK-së, ka pritur ish-bashkëluftëtarin e tij kroat, tash ministër i Mbrojtjes së Kroacisë, Ante Kotromanovic.
Ministri Çeku ka marrë mbështetjen e homologut të tij kroat për bashkëpunim bilateral, mbështetje të FSK-së dhe mbështetje për Kosovën në rrugën drejt NATO-s. Kurse ministri i Mbrojtjes së Kroacisë, Kotromanovic, ka shprehur gatishmërinë e tij për bartjen e të gjitha përvojave të ushtrisë kroate tek FSK-ja, në mënyrë që kjo forcë të ngritët në nivel më të lartë.
Në këtë takim po ashtu është nënshkruar edhe “Plani i Veprimit 2013” në mes të dy Ministrive, raporton KP.
Ministri i Forcës së Sigurisë së Kosovës, Agim Çeku, ka thënë se Republikën e Kosovës dhe atë të Kroacisë i lidh e kaluara dhe e ardhmja. Çeku ka thënë se gjatë takimit me homologun e tij, ka marrë tri mbështetje, atë për bashkëpunim bilateral, mbështetje në rrafshin rajonal dhe në rrugën e Kosovës për në NATO.
Ndërkaq, ministri i Mbrojtjes së Kroacisë, Ante Kotromanovic, ka thënë se është i interesuar që të krijojë një urë të mbrojtjes në mes të dy vendeve.
“Ne sot jemi marrë vesh për planin e bashkëpunimit për vitin e ardhshëm, dhe ne kemi dëshirë që të krijojmë një urë në mes Kosovës dhe Kroacisë, një urë të mbrojtjes dhe të përfitojmë edhe ne edhe ju. Do të bashkëpunojmë në fushën e trajnimit dhe shkollimit, të industrisë së mbrojtjes dhe këto janë qëllimet tona. Qëllimi ynë është që Forcat e Mbrojtjes së Kosovës të jenë të forta dhe ne do t’i ndihmojmë në këtë drejtim”, ka thënë ai.
Kotromanovic ka shprehur përkrahjen e tij për Kosovën që të konsolidohet si shtet si dhe mbështetje për ngritjen e kapaciteteve të FSK-së në nivel më të lartë, duke shprehur bindjen e tij se së shpejti Kosova dhe Kroacia do të jenë anëtare të NATO-s.
Ai ka shprehur gatishmërinë e tij që të gjitha përvojat që i ka ushtria kroate t’i bartë te Forca e Sigurisë së Kosovës. /Telegrafi/
Promo
Reklamo këtuLufta Prigozhin - Putin
Më shumëFAZ: Ballkani po mbetet pa popullatë, po popullohet me emigrantë nga Azia
Certifikimi i snajperistëve, Gecaj: Lajm i mirë për Kosovën dhe FSK-në
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Publikohet doracaku zyrtar për dhënien e provimit të patentës së shoferit
Profesori shqiptar nga Londra: Në Britani të Madhe i gjithë spektri politik është pro Kosovës
Polici goditet me veturë, e dyshuara largohet nga vendi i ngjarjes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe