Dy gjigantë evropianë po e përcjellin me kujdes situatën e Cesc Fabregas

Cesc Fabregas ka bërë një fillim fantastik të karrierës së tij si trajner në Serie A me Comon, të cilët janë në pozitën e 13-të momentalisht. 

Ish-mesfushori i Barcelonës është bëri një ndër lojtarët i cili pas pensionimit nisi karrierën si trajner dhe deri më tani po i shkon mirë. 

Fabregas së fundmi e udhëhoqi Comon drejt dy fitoreve radhazi ndaj Fiorentinës dhe Napolit dhe këto rezultate kanë bërë që ata t’i shmangen zonës së rënies nga Serie A. 

Për këtë arsye, klube të mëdha në Evropë kanë filluar të mbajnë shënime për Fabregas. 

Sipas një raportimi nga Il Messaggero, një numër i madh klubesh po e përcjellin me kujdes situatën e 37-vjeçarit dhe njëra ndër to është Barcelona. 

Manchester City, AC Milan dhe Inter thuhet se janë në mesin e klubeve që po e ndjekin progresin e Fabregas para një lëvizje të mundshme në të ardhmen. 

Nga këto klube shanset më reale i ka Milani në rast se ata vendosin ta shkarkojnë Sergio Conceicaon i cili është në presion të madh pavarësisht se mori këtë punë vetëm disa muaj më parë. 

Lexo po ashtu Milani etiketon tre trajnerë për të zëvendësuar Conceicaon, Fabregas favorit

Barcelona në ndërkohë nuk po planifikon një lëvizje për Fabregas në një të ardhme të afërt, duke marrë parasysh se ata janë të kënaqur me punën e deritanishme të Hansi Flick. 

Megjithatë, ata tashmë janë në dijeni se ish-lojtari i tyre mund të jetë një opsion shumë i mirë për të ardhmen, veçanërisht nëse vazhdon të përmirësohet si trajner./Telegrafi/