Kryeministri britanik këshillon Zelenskyn të kthehet në Uashington dhe të pajtohet me Trump

Kryeministri britanik Keir Starmer i kërkoi Volodymyr Zelensky-t të kthehej në Shtëpinë e Bardhë dhe të rregullonte marrëdhëniet e tij me Donald Trump, pas përplasjes verbale që dyshja patën në Zyrën Ovale.

Përballja televizive mes presidentit të SHBA dhe homologut të tij ukrainas të premten, pa Trump të akuzojë Zelensky për “bixhoz me Luftën e Tretë Botërore” dhe për “mosrespektim” ndaj Amerikës.

Siç raporton The Telegraph, delegacioni ukrainas më pas u dëbua nga Shtëpia e Bardhë, transmeton Telegrafi.

Më vonë atë mbrëmje, Starmer i telefonoi Zelenskyt për t’u përpjekur ta bindte atë të kthehej në Shtëpinë e Bardhë, dhe më pas e thirri Trump në një përpjekje për të ulur temperaturën.

Përpjekjet e tij dështuan, pasi amerikanët i thanë se temperamenti kishte nevojë për qetësim përpara se të kthehej në diskutime.

Zelensky që atëherë është nën presion nga liderë të tjerë evropianë për t’u përballur me Trump. Mark Rutte, Sekretari i Përgjithshëm i NATO-s, gjithashtu kërkoi një afrim.

“Unë thashë: Unë mendoj se duhet të gjesh një mënyrë, i dashur Volodymyr, për të rivendosur marrëdhëniet me Donald Trump dhe administratën amerikane. Kjo është e rëndësishme për të ecur përpara”, i tha Rutte, BBC-së:

Ai i kujtoi gjithashtu udhëheqësit ukrainas se ishte Trump ai që i dha Kievit armë antitank Javelin në vitin 2019, gjë që i mundësoi vendit të luftonte kundër Rusisë.

“Pa Javelins në vitin 2022, kur filloi sulmi në shkallë të plotë, Ukraina nuk do të kishte qenë askund”, shtoi ai.

“Unë jam absolutisht i bindur se SHBA dëshiron ta sjellë Ukrainën në këtë paqe të qëndrueshme”, theksoi Sekretari i NATO-s, duke shtuar: “Ajo që ata duhet të arrijnë atje është të sigurohen që ne të gjithë do të punojmë së bashku për këtë”. /Telegragfi/