Beteja për Scudetto: Interi, Napoli dhe Atalanta tri pikë në mes – a mund të futet edhe Juventusi në valle

Në fundjavën e fundit të Serisë A, beteja e Scudettos, e cila deri disa javë më parë dukej si një garë dyshe, tani mund të flitet edhe për diçka tjetër. 

Fjala Scudetto ishte një pyetje ekskluzivisht në lidhje me Napolin e Antonio Contes (56 pikë) dhe Interin e Simone Inzaghit (57 pikë), por është rihapur me forcë nga rikthimi i Atalantës së Gian Piero Gasperini (54 pikë). Katër fitore në katër ndeshjet e fundit, kanë ngjitur Juventusin e Thiago Mottas në vendin e katërt me 49 pikë.

Atalanta doli fitimtare në fushën e Empolit – dhe tani janë pas Napoli me dy pikë dhe ndaj Interit me tre pikë.  

Skenarët – Kanë mbetur edhe 12 xhiro para përfundimit të Serie A 2024/25 dhe për momentin tre skuadrat e para në renditje janë brenda tre pikëve diferencë dhe skenarët mund të ndryshojnë më tej pas raundit tjetër, në të cilin do të ketë përplasjen direkte në stadiumin “Maradona” mes Napolit dhe Interit. 

Megjithatë, një rikthim nga Juventusi nuk mund të përjashtohet, pasi ka fituar katër ndeshje radhazi në ligë dhe tani janë në pozitën e katërt, me pesë pikë prapa skuadrës nga Bergamo (që luan në shtëpi kundër Venezias në ditën e 27-të). Juventusi në anën tjetër pret Veronan dhe pastaj luan me Atalantan sërish në shtëpi, duke i dhënë mundësi që të futet në garë.

Përplasje kokë më kokë – Prej tani e deri në fund të kampionatit, mes Interit, Napolit dhe Atalantës, djemtë e Gian Piero Gasperinit janë ata që kanë më shumë përplasje kokë më kokë me ekipet nga vendi i dhjetë e lartë, plotë shtatë sot – ku katër prej të cilave i kanë në shtëpi dhe tre jashtë. 

Interi vijon me pesë ndeshje kundër kundërshtarëve në top 10 në renditje (dy në San Siro dhe tre jashtë).  

Napolitanët deri në mbyllje do të kenë katër përplasje të rëndësishme (nga të cilat, megjithatë, vetëm një jashtë shtëpisë, me Bolognan).  

Përveç angazhimeve të tyre në Serie A, Interi padyshim do të ketë edhe angazhime edhe në Ligën e Kampionëve – kundër Feyenoord, ndeshjen e parë më 5 mars në Holandë dhe ndeshjen e kthimit në shtëpi më 11 mars – dhe ndoshta edhe në Kupën e Italisë, për të cilën ata do të luajnë çerekfinalen kundër Lazios të martën më 25 shkurt. 

Në anën tjetër, Juventusi ka pesë përballje me ekipet që janë në top 10 aktualisht, prej tyre katër jashtë shtëpisë, ndërsa vetëm një në Alianz Stadium. /Telegrafi/