Real Madrid do të ‘rishqyrtojë’ ofertën e Arabisë Saudite për Rodrygon

Real Madridi do të rishikonte qëndrimin e tyre për shitjen e Rodrygos në Arabinë Saudite nëse do të bëhej një ofertë masive në fund të sezonit.

Sipas burimeve të Diario OK, Al-Hilal është i gatshëm të paraqes një ofertë masive për të tunduar Madridin që të shesë brazilianin.

Interesimmi i Al-Hilal për Rodrygon është nxitur nga nevoja e tyre për të zëvendësuar Neymarin, i cili u largua nga klubi në fillim të kësaj jave.

Skuadra saudite kishte paraqitur më parë një ofertë prej 300 milionë euro për Rodrygon, por Real Madridi e refuzoi ofertën.

Pavarësisht se nuk ka të njëjtin profil global si disa nga shokët e tij të profilit të lartë, Rodrygo ka qenë thelbësor në sukseset e ekipit këtë sezon.

Forma e tij mbresëlënëse gjatë gjashtë javëve të fundit ka tërhequr vëmendjen e tifozëve dhe ekspertëve, me anësorin që ka shënuar katër herë në dy ndeshjet e tij të fundit në Ligën e Kampionëve dhe ka shënuar tetë gola dhe asistime në pesë paraqitjet e tij më të fundit në La Liga.

Lexo po ashtu Jo vetëm Vinicius, Al Hilal tundon edhe Rodrygon me mega-ofertë

Qëndrimi i Real Madridit për shitjen e Rodrygos mund të zbutet nëse oferta e Al-Hilal është mjaft e konsiderueshme.

Gjigantët spanjollë thuhet se janë të hapur për të rishqyrtuar pozicionin e tyre për të ardhmen e lojtarit nëse bëhet një ofertë masive në fund të sezonit. /Telegrafi/