Man Utd po përgatitet për një shkëmbim të madh lojtarësh që përfshin Zirkzeen

Manchester United po përgatiten për një marrëveshje të madhe shkëmbimi sipas së cilës Joshua Zirkzee do të largohej nga ‘Old Trafford’ pas paraqitjeve të tij zhgënjyese.

Zirkzee u transferua tek Unitedi nga Bologna në verë për shumën e 34 milionë eurove dhe nënshkroi një kontratë pesë vjeçare.

Ai u transferua me qëllimin për t’i dhuruar ‘Djajve të Kuq’ një opsion më tepër në sulm përkrah Rasmus Hojlund, me holandezin që kishte shënuar gol në debutim ndaj Fulhamit.

Megjithatë, ish-ylli i Bayernit ka dështuar që të shënojë në 15 paraqitje të tjera që prej atëherë dhe tashmë është lidhur me një largim të hershëm nga gjiganti anglez.

Lexo po ashtu Ish-legjenda e Man United i bën thirrje klubit ta transferojë Gulerin: Është lojtari ideal

Teksa ardhja e Ruben Amorim mund t’i ndryshojë rrethanat për Zirkzeen, një raportim ka bërë me dije se United po përgatitet që ta përdor atë në një marrëveshje shkëmbimi për Victor Osimhen.

Pasi u lidh me Juventusin dhe Milanin, mediumi italian Il Mattino ka thënë se Napolit i janë ofruar shërbimet e Zirkzees në një marrëveshje sipas së cilës Osimhen do transferohej tek Unitedi.

Marrëveshja që Unitedi është duke e propozuar është 30 milionë euro dhe kartoni i Zirkzee për Osimhen, i cili momentalisht po luan në Turqi tek Galatasaray.

Klauzola e Osimhen është reduktuar në vetëm 75 milionë euro dhe kujtojmë se ai kishte qenë pranë transferimit tek Chelsea para se të përfundonte afati kalimtar veror./Telegrafi/