Një zjarr i madh shkatërroi një tren pasagjerësh në Berlin – mediat sjellin detaje dhe pamje

Një hetim ka vazhduar pasi një tren pasagjerësh u përfshi nga një zjarr i madh ndërsa u ndal në një stacion në periferi të Berlinit.

Sipas mediave të huaja, përcjell Telegrafi, zjarrfikësit u thirrën në stacionin Ahrensfelde në kufirin midis Berlinit dhe Brandenburgut pasi alarmi u ngrit rreth orës 21:50, sipas kohës lokale.

Treni me tre vagonë duhej të niste udhëtimin e tij të radhës në qytetin Werneuchen kur makinisti dëgjoi një zhurmë.

Am Samstagabend ist der Großteil eines Regionalzuges ausgebrannt. Beim Halt in #Ahrensfelde bemerkte der Zugführer Rauch. Daraufhin brachten sich Fahrgäste und Zugpersonal in Sicherheit. Verletzt wurde niemand. Die Ursache für das Feuer ist noch unklar. pic.twitter.com/c7u5lsI0ut

— rbb|24 (@rbb24) November 3, 2024

Pastaj u shfaq tym dhe u panë flakët, duke bërë që shoferi dhe një shoqëruese femër të evakuonin pesë pasagjerët e trenit.

Departamenti i zjarrfikësve ka shuar flakët – të cilat deri atëherë kishin përfshirë të tre vagonët – dhe askush nuk u lëndua, tha një zëdhënës.

Por treni ka pësuar dëmtime të mëdha.

Zug steht an Berliner Bahnhof in Flammen https://t.co/6h9SSU0ziT pic.twitter.com/bfJSkBWDGb

— WELT (@welt) November 2, 2024

Një zëdhënëse e operatorit gjerman të trenave Deutsche Bahn tha se treni operohej nga kompania private Niederbarnimer Eisenbahn (NEB).

Policia Federale e Gjermanisë, përgjegjësitë e së cilës përfshin rrjetin hekurudhor, tha gjithashtu se shkaku i zjarrit ishte i panjohur dhe se hetimi paraprak nuk kishte dhënë asnjë të dhënë. /Telegrafi/