LVV nuk merr pjesë në seancën për FSK-në: Akuzat ndaj Ministrisë së Mbrojtjes, propagandë e opozitës

Lëvizja Vetëvendosje ka bërë të ditur se nuk do të marrë pjesë në seancën e sotme të jashtëzakonshme të thirrur me kërkesë Grupit Parlamentar të AAK-së, e cila është mbështetur nga 43 deputetë nënshkrues.

Deputeti i kësaj partie, Enver Dugolli në një konferencë për media tha se Grupi Parlamentar i LVV-së nuk do të marr pjesë në asnjë seancë që ftohet nga opozita.

Ai tha se kjo vie si rrjedhojë e tentimit të shtantazhimit të tyre për shkarkimin e shefes së Grupit Parlamentar të LVV-së, Mimoza Kusari-Lila.

“Siç jeni në dijeni që nga java e kaluar opozita ka hyrë në një fazë të re të veprimeve duke mos mbajtur fjalën dhe akordimin e bërë në kryesi opër votimin e marrëveshjeve ndërkombëtare. Ata ndryshe flasin dhe ndryshe veprojnë

Veprimet e tyre kësaj here shkojnë përtej. Tentimi për të shantazhuar grupin tonë parlamentar për shkarkimin e zonjës Kusari-Lila si shefe e grupit tonë parlamentar, si kompensim i pjesëmarrjes së tyre në seanca dhe votimeve eventuale, është absurd dhe ne nuk e pranojmë”, ka deklaruar Dugolli.

Ai ka shtuar se  si rrjedhojë  e kësaj nuk do të marrin pejsë në seancën e sotme ku pritet të diskutohet për çështjen e ushqimit të ushtarëve të FSK-së.

“Si rrjedhojë ne nuk marrim pjesë në asnjë lloj seance apo iniciative që vie nga ana e tyre, derisa ata nuk reflektojnë dhe të shmangin këtë formë imponimi. Kjo është arsyeja e parë që ne nuk marrim pjesë në seancë. Arsyeja e dytë është si vijon: kërkesa për seancë të jashtëzakonshme nga opozita është vazhdimësi e një serie të dezinformatave që synon të keq informoj qytetarin. Kjo po bëhet me qëllim të dobësimit të rolit të FSK-së”, ka thënë Dugolli.

E deputeti tjetër, Mefail Bajqinovci ka thënë se sulmet e udhëhequra ndaj Ministrisë së Mbrojtjes janë dezinformatë dhe shpifje, pra propagandë e udhëhequr nga opozita dhe disa eksponent të tjerë

“Ministria e Mbrojtjes nuk i ka dhënë kontratën kompanisë Beni Dona e cila për më shumë se 15 vite ka krijuar monopol në këtë ministri. Nga tenderët për ushqim vetëm nga Ministria e Mbrojtjes kjo kompani ka fituar miliona euro

Ministria e Mbrojtjes nuk ka shpallur tender sekret, por në tenderin e fundit për ushqim ka shpallë kontratë emergjente, pasi që kontrata e kompanisë Beni Dona ka skaduar me 30 shtator, të cilën e kishte fituar në mënyrë emergjente për katër herë radhazi”, ka thënë Bajqinovci.

Sa i takon furnizimit me ushqim, Bajqinovci tha se produktet janë siguruar nga AQH dhe nuk ka mungesë të furnizimit të gjitha janë shpifje.

“Ky proces pritet të përfundoj më sa largu brenda 60 ditë koncepti i veteushqyerimës nuk do të këtë kthim prapa, nuk do të ketë më tender”, tha ai.

Edhe deputeti Dugolli tha se tashmë ministria e Mbrojtjes ka hapur konkurs për punësimin e 100 kuzhinerëve dhe staf mbështetës dhe do të vazhdoj koncepti i vetëushqyerjes. /Telegrafi/