“Nuk mund të isha më i emocionuar”, fjalët e para të Klopp pas punës së re

Jurgen Klopp ka thënë se ndihet i emocionuar pasi ka pranuar detyrën e parë në botën e futbollit, pas largimit nga Liverpooli në fund të sezonit 2023/24.

Klopp po bën rikthimin e tij në futboll, megjithëse në një rol tjetër, pasi ai do të fillojë si Shefi Global i Futbollit të Red Bull nga 1 janari 2025.

Ish- trajneri i Liverpoolit ndau entuziazmin e tij pasi pranoi rolin dhe tha se pasioni për futbollin është ende i njëjtë.

🔴🇩🇪 Klopp on becoming new Global Head of Soccer at Red Bull Group: “After almost 25 years on the sideline, I could not be more excited to get involved in a project like this”.

“The role may have changed but my passion for football, it has not”. pic.twitter.com/FA3bVnYkzP

— Fabrizio Romano (@FabrizioRomano) October 9, 2024

“Pas gati 25 vitesh në fushë, nuk mund të isha më i emocionuar për t’u përfshirë në një projekt si ky”, ka thënë fillimisht Klopp.

“Roli mund të ketë ndryshuar, por pasioni im për futbollin dhe njerëzit që e bëjnë lojën atë që është nuk ka ndryshuar”, përfundoi gjermani.

Ndryshe, Klopp thuhet se ka një klauzolë të veçantë në kontratën e tij, duke iu lejuar nënshkrimi me kombëtaren e Gjermanisë, në rast të ndonjë oferte. /Telegrafi/