Konfirmohen dy mungesa të mëdha të Real Madridit për ndeshjen ndaj Real Sociedadit

Real Madridi po vuan shumë nga lëndimet këtë sezon por kishin shpresuar se do të festojnë rikthimin e dy yjeve për udhëtimin tek Real Sociedadi.

Këtë vikend ata do të mbeten sërish pa shërbimet e Jude Bellingham dhe Aurelien Tchouameni, të cilët do të vazhdojnë me stërvitje individuale në Madrid.

Tchouameni ishte një dyshim deri në minutën e fundit pasi pësoi një zgjatje muskulare në ndeshjen e tyre të fundit ndaj Real Betisit.

Ai dhe Bellingham, që ka humbur të gjitha ndeshjet që prej mesit të muajit gusht, u stërvitën të ndarë nga pjesa tjetër e grupit në seancën e fundit stërvitore para udhëtimit në San Sebastian.

Në mungesë të tyre, Luka Modric, Fede Valverde dhe Arda Guler ose Brahim Diaz pritet të jenë treshja startuese në mesfushë.

🚨🚨 Bellingham y Tchouaméni, bajas: no se entrenan y no estarán ante la Real Sociedad

⚪️💥 Ambos ausentes en la sesión previa al partido, sólo les queda mirar a la Champions

✍️ @jdelriomuradas https://t.co/iwm1Fn6nBL

— MARCA (@marca) September 13, 2024

Carlo Ancelotti do të shpresojë se do t’i ketë të dy lojtarët në dispozicion për duelin ndaj Stuttgartit të martën në Ligën e Kampionëve, ndërsa burimet thonë se Bellingham do të jetë plotësisht i gatshëm për atë sfidë.

Në rastin e Tchouamenit klubi dëshiron të jetë më i kujdesshëm, pasi lëndimi që ka pësuar është në të njëjtën zonë që e detyroi atë të humbasë gjysmëfinalen e Ligës së Kampionëve.

Eduardo Camavinga dhe Dani Ceballos janë të lënduar gjithashtu, andaj tekniku italian duhet të mbështetet në ato pak opsione që ka momentalisht./Telegrafi/