Rusia do të bëjë ndryshime në doktrinën e saj mbi përdorimin e armëve bërthamore në përgjigje të asaj që ajo e konsideron si përshkallëzim perëndimor në luftën në Ukrainë, citoi media shtetërore të ketë thënë zëvendësministri i Jashtëm, Sergei Ryabkov.
Sipas mediave të huaja, përcjell Telegrafi, doktrina ekzistuese bërthamore, e përcaktuar në një dekret nga presidenti Vladimir Putin në vitin 2020, thotë se Rusia mund të përdorë armë bërthamore në rast të një sulmi bërthamor nga një armik ose një sulmi konvencional që kërcënon ekzistencën e shtetit.
Por disa në mesin e analistëve ushtarakë të Rusisë i kanë kërkuar Putinit të ulë pragun për përdorim bërthamor në mënyrë që të “kthjellë” armiqtë e Rusisë në Perëndim.
Putin tha në qershor se doktrina bërthamore ishte një “instrument” që mund të ndryshonte, në varësi të ngjarjeve botërore.
Dhe komentet e Ryabkov të dielën ishin deklarata më e qartë se ndryshimet do të bëheshin vërtet.
“Puna është në një fazë të avancuar dhe ka një qëllim të qartë për të bërë korrigjime”, citoi agjencia shtetërore e lajmeve TASS të ketë thënë Ryabkov.
Ai tha se vendimi është “i lidhur me kursin e përshkallëzimit të kundërshtarëve tanë perëndimorë” në lidhje me konfliktin në Ukrainë.
Moska akuzon Perëndimin se përdor Ukrainën si një përfaqësues për të zhvilluar luftë kundër saj, me qëllimin për t’i shkaktuar një “disfatë strategjike” Rusisë dhe për ta copëtuar atë.
Por Shtetet e Bashkuara dhe aleatët e tyre e mohojnë këtë, duke thënë se po ndihmojnë Ukrainën të mbrohet kundër një lufte agresioni të stilit kolonial nga Rusia.
Mediat kujtojnë se Putin tha në ditën e parë të pushtimit rus në shkallë të plotë të Ukrainës në shkurt 2022 se kushdo që do të përpiqet ta pengojë ose kërcënojë atë, do të vuajë “pasojat që nuk i keni hasur kurrë në historinë tuaj”.
Që atëherë, ai ka lëshuar një sërë deklaratash të tjera që Perëndimi i konsideron si kërcënim bërthamor dhe ka njoftuar vendosjen e armëve taktike bërthamore ruse në Bjellorusi.
Kjo nuk i ka penguar SHBA-të dhe aleatët e saj nga rritja e ndihmës ushtarake për Ukrainën në mënyra që ishin të paimagjinueshme kur filloi lufta, duke përfshirë furnizimin me tanke, raketa me rreze të gjatë veprimi dhe aeroplanë luftarakë F-16.
Ukraina tronditi Moskën muajin e kaluar duke “shpuar” kufirin e saj perëndimor në një inkursion nga mijëra trupa që Rusia ende po lufton për ta zmbrapsur.
Presidenti Volodymyr Zelensky po lobon fort që SHBA-ja ta lejojë atë të përdorë armë të avancuara perëndimore për të goditur objektiva thellë brenda Rusisë.
E zëdhënësi i Kremlinit, Dmitry Peskov tha në një intervistë të publikuar të dielën se Perëndimi “po shkonte shumë larg” dhe se Rusia do të bënte gjithçka për të mbrojtur interesat e saj. /Telegrafi/
Promo
Reklamo këtuLufta Prigozhin - Putin
Më shumë“Menaxhonte rrjetin financiar të Mossad-it në Turqi” - momenti i arrestimit të shtetasit kosovar Liridon Rexhepi nga policia e Stambollit
Finlanda do të zgjidhë një nga sfidat më të mëdha të njerëzimit
Parashutistët ukrainas ndalin sulmin rus në Donetsk, ushtarët e Putinit fillojnë të tërhiqen kur mësojnë se janë shënjestër e artilerisë
Rusia thotë se “do të ndryshojë doktrinën bërthamore për shkak të rolit të Perëndimit në Ukrainë”
Policia e Stambollit arreston shtetasin kosovar Liridon Rexhepi, i cili thuhet se menaxhonte rrjetin financiar të Mossad-it në Turqi
Momenti kur një 'dron flakëhedhës' ukrainas i vë zjarrin një zone pyjore ku supozohet se ishin strehuar trupat ruse
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Publikohen pamjet e reja të Titanikut - anija e famshme po kalbet në fund të oqeanit
Historiku i përleshjeve Capat-Sekiraqa, që përfundoi me viktima
Indiania e dërgoi djalin në spital sepse gëlltiti një çelës - mjekët e tronditur zbuluan se ai kishte ngrënë edhe disa objekte metalike
Real Madridi kishte vetëm dy objektiva të tjerë në verë - kishte arsye të forta pse u tërhoq
Çfarë tregojnë historitë e zëvendëspresidentëve për shanset e Kamala Harrisit?
Finlanda do të zgjidhë një nga sfidat më të mëdha të njerëzimit