Ekipi i përzier i Francës në xhudo mposht për herë të dytë në finale Japoninë dhe fiton medaljen e artë

U zhvillua një betejë e madhe në finalen e dytë të ekipeve të përziera në xhudo në Lojërat Olimpike, pasi nikoqiri Franca u rikthye nga disavantazhi prej 2-0 ndaj Japonisë, për të mbrojtur titullin në Lojërat Olimpike ‘Paris 2024’.

Ani pse ishin në disavantazh prej dy pikëve para luftës së tretë, ishte legjendari Tedy Rinner ai i cili shënoi pikën e parë për Francën.

Pas tij, Joan-Benjamin Gaba e mposhti dy herë kampionin olimpik Abe Hifumi, i cili para këtij dueli, nuk kishte humbur asnjë luftë për pothuajse pesë vite.

Teksa rezultati ishte i barabartë 2-2, të dyja ekipet kishin edhe nga një pikë më shumë, para se Riner të bëjë një hap para ndaj Saito Tatsuru për të vendosur takimin.

BACK TO BACK 🥋
Vainqueur en finale face au Japon aux Jeux de Tokyo 2020, la France conserve son titre Olympique à #Paris2024 ! 🥇
–
BACK TO BACK 🥋
Winners in the final against Japan at the Tokyo 2020 Games, France retains its Olympic title at Paris 2024! 🥇 pic.twitter.com/9F7ETxTzAC

— Paris 2024 (@Paris2024) August 3, 2024

Riner e bëri atë që di të bëjë më së miri dhe e gjeti fitoren ndaj kundërshtarit të tij atëherë kur kishte nevojë më së shumti për të sjellë medaljen e artë për Francën.

Ishte padyshim një humbje e dhimbshme për Japoninë, të cilët e humbën finalen e dytë radhazi ndaj Francës.

Francezët kishin arritur të shënojnë fitore ndaj Japonisë edhe në edicionin e vitit 2020 të Lojërave Olimpike, që ishin mbajtur pikërisht në Japoni./Telegrafi/

Unstoppable! 🇫🇷

France dominates, winning back-to-back #gold in judo mixed team!@EquipeFRA | @judo | #Paris2024 | #Samsung | #TogetherforTomorrow pic.twitter.com/arsjxxQ5GE

— The Olympic Games (@Olympics) August 3, 2024