Winnie Harlow mahnit me fustanin e personalizuar nga TABJA për 30-vjetorin e saj

TABJA, me bazë në Kosovë, ka arritur një sukses të madh në industrinë ndërkombëtare të modës.

Së fundi, supermodelja e njohur Winnie Harlow festoi 30-vjetorin e saj duke veshur një fustan të mahnitshëm të punuar nga TABJA.

Megjithëse me bazë në një vend të vogël si Kosova, TABJA ka ndërtuar një prani të fortë ndërkombëtare, me klientë të kënaqur në mbarë botën. Fustanet e mrekullueshme të markës eksportohen në mbarë globin, duke e bërë Tabja-n sinonim me luksin dhe ekskluzivitetin.

Zgjedhja e Winnie Harlow për të veshur një fustan të TABJA-s në ditëlindjen e saj është një dëshmi e ndikimit të markës në fushën e modës. Kjo nxjerr në pah talentin dhe potencialin që ekziston në Kosovë.

TABJA vazhdon të bëjë jehonë në industrinë e modës. Bashkëpunimi me Winnie Harlow vjen pas shumë bashkepunimeve tjera të suksesshme me Carmen Electra, Dilara, Pokimane, Ninoska Vasqueza, Dafina Zeqirin etj.

Me një përkushtim ndaj përsosmërisë dhe një vizion global, TABJA është e vendosur të ngrejë statusin e Kosovës në botën e modës.

Udhëtimi i TABJA-s nga një shtëpi mode lokale në një markë të njohur ndërkombëtarisht është një histori frymëzuese përkushtimi, kreativiteti dhe ambicie globale.