Man United i gatshëm të bëjë çmenduri: Ofron 230 milionë euro për yllin e Real Madridit

Manchester United është tejet i interesuar të nënshkruajë superyllin e Real Madridit, Vinicius Junior, për të forcuar skuadrën e tyre përpara sezonit 2024-25 në Premier League, sipas Todofichajes.

Djajtë e Kuq janë gati të ofrojnë 180 milionë euro plus 50 milionë euro në bonuse dhe një pagë marramendëse prej 40 milionë eurosh për brazilianin.

Të mbështetur nga INEOS, Erik ten Hag dhe ekipi i tij kanë vepruar shpejt në afatin e transferimeve. Së fundmi ata nënshkruan me sulmuesin e Bolognas, Joshua Zirkzee, përpara se të mundnin Real Madridin për të marrë nënshkrimin e Leny Yoros nga Lille.

Përveç kësaj, Djajtë e Kuq thuhet se janë duke negociuar për të nënshkruar me Manuel Ugarte nga Paris Saint-Germain.

Megjithatë, një nga objektivat parësorë të Manchester United thuhet se është të bindë Vinicius Junior që të shkëmbejë Real Madridin për një kalim në Old Trafford. 24-vjeçari pati një sezon të shkëlqyer 2023-24, duke shënuar 24 gola dhe 11 asistime në 39 paraqitje në të gjitha garat.

Lexo po ashtu Premtimi që Man United i dha Leny Yoros që nuk mund ta përmbushte Real Madridi

Ai gjithashtu ndihmoi Los Blancos të fitonte tre trofe, duke përfshirë titullin e La Ligës dhe Ligën e Kampionëve, duke e vendosur veten si një nga favoritët për të fituar Topin e Artë të vitit 2024.

Ndërsa Vinicius Junior do të ishte një nënshkrim i bujshëm për Manchester United, i pari thuhet se është i lumtur në Real Madrid dhe nuk do ta konsideronte largimin nga klubi. Kjo vjen edhe pas ardhjes së Kylian Mbappe, që mund të ndikojë potencialisht në pozicionin e tij të preferuar në krahun e majtë. /Telegrafi/