Dy aleatë të ministrit të Mbrojtjes të shkarkuar të Rusisë, Sergei Shoigu raportohet se kanë vdekur në mënyrë misterioze brenda pak ditësh.
Javën e kaluar, Magomed Khandaev, një zyrtar 61-vjeçar i Ministrisë së Mbrojtjes ruse dhe biznesmeni 52-vjeçar Igor Kotelnikov u gjetën të vdekur, shkruajnë mediat e huaja, përcjell Telegrafi.
Dhe këto ishin të fundit në një seri vdekjesh misterioze që përfshinin figura të shquara ruse që kur forcat e presidentit rus Vladimir Putin filluan pushtimin e Ukrainës në shkurt të vitit 2022.
Eva Merkacheva, një anëtare e këshillit rus të të drejtave të njeriut, tha në një rubrikë për Moskovsky Komsomolets më 12 korrik se Kotelnikov vdiq në një qendër paraburgimi në Moskë më 8 korrik pasi u ndje keq.
Ai ishte akuzuar për ryshfet për zyrtarë të lartë të Ministrisë së Mbrojtjes ruse.
Shkaku i vdekjes së tij mbetet i paqartë, por Merkacheva shtoi se aktivistët rusë të të drejtave të njeriut thonë se qelia ku mbahej biznesmeni është zakonisht e mbipopulluar.
Qelitë janë “të vogla, të nxehta në mot të ngrohtë, të ftohta në dimër…”, shkroi Merkacheva.
Gazeta VChK-OGPU, e cila pretendon të ketë informacion të brendshëm nga forcat ruse të sigurisë, tha se hetuesit e FSB-së dyshohet se shpresonin të merrnin dëshmi nga Kotelnikov kundër ish-zëvendës ministrit rus të Mbrojtjes Timur Ivanov, i cili u arrestua me akuza për korrupsion në prill.
Ivanov u arrestua nën dyshimin për marrje ryshfeti, tha Komiteti Hetues i Rusisë më 23 prill.
Ai kishte mbajtur postin e zëvendësministrit rus të mbrojtjes që nga maji 2016.
Roli i tij përfshinte menaxhimin e aseteve, mbikëqyrjen e ndërtimit të objekteve të ministrisë, ofrimin e mbështetjes mjekësore për ushtrinë ruse , dhe menaxhimin e strehimit të trupave.
VChK-OGPU tha se punonjësit e Shërbimit Federal të Sigurisë së Rusisë (FSB) e vizituan vazhdimisht Kotelnikovin në qendrën e paraburgimit “duke e detyruar atë të pranonte fajin, të dëshmonte kundër Timur Ivanov dhe një sërë zyrtarësh të tjerë të Ministrisë së Mbrojtjes”.
“Megjithatë, Kotelnikov refuzoi. Më pas administrata e qendrës së paraburgimit filloi t’i bënte presion. Ai u dërgua në qelinë e dënimit, ku u sëmur. Dy ditë më vonë, mjekët arritën në përfundimin se Kotelnikov nuk mund të mbahej në izolim për shkak të sëmundjes kronike”, tha mediumi, duke shtuar se ai u gjet i vdekur mëngjesin tjetër.
Newsweek shkruan se nuk mundi të verifikonte në mënyrë të pavarur këto detaje.
Një numër i zyrtarëve të lartë ushtarakë janë arrestuar që nga prilli, duke përfshirë Yuri Kuznetsov, kreun e departamentit të personelit të Ministrisë së Mbrojtjes Ruse.
Ndërkohë, Shoigu u zëvendësua si ministër i mbrojtjes pasi mbajti postin për 12 vjet, në një tronditje të papritur të departamentit.
Agjencitë shtetërore ruse raportuan vdekjen e Khandajevit më 9 korrik.
Ai kishte shërbyer si kreu i departamentit të provimeve shtetërore të Ministrisë së Mbrojtjes së Rusisë që nga qershori 2023. Shkaku i vdekjes së tij apo vendi ku vdiq nuk është bërë i ditur.
Gazeta ruse Kommersant raportoi se Khandaev ishte një vartës i drejtpërdrejtë i Ivanovit. Gazeta e pavarur ruse e lajmeve The Moscow Times tha se është e paqartë nëse Khandaev ishte në gjendje të dëshmonte në rastin e Ivanovit.
Burime në qeverinë e Kremlinit kanë thënë se shtytja e fundit për të “pastruar” Ministrinë e Mbrojtjes u nis nga FSB me urdhër të Putinit. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Pas muajsh pritjeje, NATO do të dërgojë aeroplanët e parë luftarakë F-16 në Ukrainë
Trump habit me thirrjen drejtuar mbështetësve të tij: “Dilni dhe votoni, pasi nuk do t’iu duhet ta bëni më”
Një raketë e pashpërthyer e Luftës së Dytë Botërore gjendet në një fshat në Poloni, nis evakuimi i banorëve
Trump po ‘harron’ që Harris është e martuar me një hebrenj - mundohet ta paraqes demokraten si antisemite
"Heroi rus i luftës në Ukrainë" rrahet për vdekje në stacionin policor në Rusi
Macron dhe presidenti argjentinas “shikim plot urrejtje” - liderët takohen në një kohë kur marrëdhëniet mes tyre janë në nivelin e ulët
Skenë joreale në Kroaci - gurët rrjedhin poshtë malit sikur një lumë
Biden po përgatit një plan reformash që nuk do t'i pëlqejnë Trumpit
Mediat serbe publikojnë detaje të reja rreth vrasjes së Faton Hajrizit në Serbi
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Koci jep detajet e fundit për rastin e Faton Hajrizit: Çdo informacion po e marr me rezervë të madhe
Ish-fituesi i Kupës së Botës, Philipp Lahm, jep shtëpi me qira me Airbnb për vetëm 21 euro në natë - ai premton se do të mirëpresë personalisht mysafirët
Sondazhi i New York Times - kush po udhëheq, Harris apo Trump
"Unë jam gjallë, nuk është ende vonë", gjermani i dënuar me vdekje në Bjellorusi kërkon ndihmë përmes televizionit shtetëror
E nisi me humbje të thellë me Juventusin, këto janë fjalët e Thiago Mottas
E gjuajtën edhe në Kosovë, Bebe Rexha i drejtohet sigurimit në shqip që të mos e largojë fansin: Lëre lëre, është vetëm një bluzë