Truproja e Messit bëhet viral me reagimet e tij të shpejta për mbrojtjen e yllit të futbollit

Futbollisti me famë botërore Lionel Messi është objektivi kryesor i tifozëve të apasionuar të futbollit.

Për të garantuar sigurinë e tij, Messi ka një truproje, Yassine Chueko, i cili së fundmi është bërë viral në rrjete sociale.

Një video e cila tregon vëmendjen e madhe të Chueko dhe demonstron reagimet e tij të shpejta për të mbrojtur Messin ka ngjallur reagime të shumta.

Shumë përdorues të rrjeteve sociale komplimentuan profesionalizmin dhe efikasitetin e Chuekos në mbrojtjen e futbollistit, përcjell Telegrafi.

“Ky tip vrapon me shpejtësi dhe më pas ai thjesht përqafon me qetësi njerëzit që vrapojnë drejt tij dhe i largon ata. Vë bast se ky person është i shtrenjtë por vlen çdo qindarkë”, ka shkruar një përdorues.

Messi’s bodyguard
byu/Efficient_Sky5173 ininterestingasfuck

Por, kush është truproja i Lionel Messit, Yassine Chueko?

Sipas Sports Illustrated, Yassine Chueko është një ish-ushtar amerikan që shërbeu në Irak dhe Afganistan.

Chueko thuhet se u punësua për të mbrojtur Messin pas një rekomandimi personal nga presidenti i klubit të Inter Miami, David Beckham.

Një pjesë e punës së Chueko është të vrapojë jashtë fushës dhe të vëzhgojë efektivisht Messin gjatë ndeshjeve.

Kjo në mënyrë që ai të jetë në gjendje të “shënjestrojë” çdo tifoz që përpiqet t’i afrohet kapitenit të Miami.

Chueko mbron Messin si para dhe pas ndeshjeve, si dhe gjatë daljeve publike me familjen e tij, si udhëtimet për blerje.

View this post on Instagram

A post shared by Yassine . (@yasstcheuko)

Chueko gjithashtu gëzon një prani të konsiderueshme në rrjete sociale.

Ai aktualisht ka 768,000 ndjekës në Instagram, ku kryesisht ndan video që detajojnë regjimet e tij të stërvitjes në boks dhe arte marciale.

Bëhet e ditur se Chueko ka marrë pjesë në shumë ndeshje MMA. /Telegrafi/