Kurti: e-Kosova dëshmi e vizionit të qeverisë për t’i kthyer situatat e vështira në ndryshime pozitive

Kryeministri Albin Kurti, e ka vlerësuar si të dobishme platformën e-Kosova, e cila prezantua gjatë kohës së pandemisë COVID-19.

Në një postim të bërë në “X”, Kurti thotë se platforma e-Kosova tani ofron mbi 175 shërbime online, transmeton Telegrafi.

“I prezantuar vetëm tre vjet më parë gjatë pandemisë Covid-19 për të lehtësuar procesin e vaksinimit, platforma e-Kosova tani ofron mbi 175 shërbime online. Mbi 916 mijë përdorues të regjistruar, nga të cilët 50.7% janë gra, kanë akses në shërbimet shëndetësore dhe familjare dhe mund të përdorin platformën për të aplikuar për grante dhe ndihma, si dhe për të paguar taksat dhe shërbimet komunale, me shumë shërbime të tjera që do të prezantohen së shpejti”, ka pohuar ai.

Tutje, Kurti ka pohuar se kjo platformë është dëshmi e vizionit të Qeverisë për t’i kthyer situatat e tilla në ndryshime pozitive.

“e-Kosova është shembulli më i mirë i faktit se ka mundësi edhe në situata të vështira dhe është dëshmi e vizionit të Qeverisë sonë për t’i kthyer situatat e tilla në ndryshime pozitive”. /Telegrafi/

Introduced just three years ago during the Covid-19 pandemic to facilitate the vaccination process, @eKosovaplatform now provides 175+ online services. Over 916k registered users, out of which 50.7% are women, have access to health and family related services, and can use the… pic.twitter.com/rMvlttG33j

— Albin Kurti (@albinkurti) June 29, 2024