Një klub anglez bën çmendurinë – kërkon 86 milionë euro nga Bayerni për ta liruar trajnerin e tyre

Një klub i Ligës Premier raportohet se ka kërkuar 86 milionë euro kompensim për të liruar trajnerin e tyre të largohet në drejtim të Bayern Munich.

Gjiganti gjerman mbetet në kërkim të një trajneri të ri për të zëvendësuar Thomas Tuchelin i cili do të largohet në fund të sezonit.

Bayerni është lidhur me Xabi Alonson dhe Julian Nagelsmann, por që të dy trajnerët refuzuan ofertat nga bavarezët duke preferuar të qëndrojnë tek Leverkuseni dhe Gjermania respektivisht.

Por, sipas asaj që raporton Daily Mail, Bayerni tashmë ka kontaktuar një tjetër trajner të Ligës Premier, vetëm për të mbetur të dëshpëruar nga përgjigja që morën.

Bavarezët thuhej se ishin të etur për të emëruar trajnerin e Crystal Palace, Oliver Glasner, i cili ka impresionuar që prej kalimit të tij në Angli në shkurt.

Palace ka fituar pesë nga gjashtë ndeshjet e tyre të fundit në Ligën Premier, duke përfshirë fitoren me rezultat të thellë 4-0 nda Man Unitedit dhe Bayerni besohet se ka bërë një ofertë prej 15.5 milionë eurosh.

Lexo po ashtu Bayerni zyrtarizon largimin e dy futbollistëve pas katër viteve qëndrim në Allianz Arena

Sidoqoftë, pronari i Crystal Palace, Steve Parish, e ka refuzuar atë ofertë dhe besohet se ka kërkuar një kompensim rekord prej 86 milionë eurosh për të lejuar largimin e Glasner.

Jo befasisht, Bayerni e refuzoi këtë kërkesë të Crystal Palace, dhe për ta ilustruar më mirë kjo shumë është më e madhe se sa ajo që Real Madridi pagoi për transferimin e Cristiano Ronaldos në Spanjë (80 milionë euro)./Telegrafi/