Shuma e majme që do ta fitojë Man United falë Sanchos që kaloi në finale të Championsit

Që kur u largua nga Manchester United në afatin kalimtar të janarit pas përplasjes së tij me Erik Ten Hag, Jadon Sancho ka ndihmuar Borussia Dortmundin për të arritur finalen e parë të Ligës së Kampionëve që nga viti 2013.

Reprezentuesi anglez 24-vjeçar bëri një paraqitje fantastike teksa skuadra e tij eliminoi Paris Saint-Germainin nga Liga e Kampionëve, pasi mysafirët fituan 1-0 falë një goditjeje me kokë të veteranit me përvojë Mat Hummels.

Fitorja e tyre totale 2-0 ndaj PSG-së do të thotë që skuadra e Edin Terzic luan në finale të Ligës së Kampionëve për herë të parë në njëmbëdhjetë vjet, ku ata do të përballen ose me Bayern Munich ose Real Madrid në Wembley.

Lexo po ashtu Të gjithë po flasin për thumbimin që Jadon Sancho ia ka bërë Ten Hagut në rrjetet sociale

Edhe pse shumë tifozë të Manchester United mund të kenë një shije të hidhur në gojën e tyre kur shohin një huazues të United që arrin në finale, kjo nuk është një humbje e plotë nga aspekti financiar.

Dortmundi i pagoi Unitedit pesë milionë euro për kthimin e Sanchos në Signal Iduna Park plus një marrëveshje për të paguar një pjesë të pagës së tij për transferimin e tij në mes të sezonit.

Djajtë e Kuq pritet të marrin dëmshpërblim edhe më tej pasi u zbulua se të dy klubet kanë një marrëveshje, ku skuadra gjermane do t’i paguante skuadrës së Mançesterit gjashtë milionë të tjera bazuar në përparimin dhe paraqitjet e Sancho në Ligën e Kampionëve.

Besohet se shumica e shtesave të përfshira në kontratën e huazimit janë përmbushur si rezultat i kalimit të Sanchos në finale, ku luajti një rol të rëndësishëm në arritjen e ekipit gjerman në finale. /Telegrafi/