BE-ja ka thënë se do të ndalojë një shërbim të ri të lansuar nga TikTok në Evropë.
Kjo për faktin se beson se mund të jetë “po aq i rrezikshëm sa cigaret” nëse kompania nuk ofron prova të reja “bindëse” se fëmijët janë të mbrojtur, shkruajnë mediat e huaja, përcjell Telegrafi.
Dhe nëse ndalimi vazhdon, do të ishte hera e parë që BE-ja do të përdorë fuqi të reja gjithëpërfshirëse për të vendosur sanksione ndaj kompanive të mediave sociale që nga hyrja në fuqi e Aktit të tij historik të Shërbimit Dixhital (DSA) gushtin e kaluar.
Komisioni i dha kohë TikTok-ut deri të mërkurën për të “sjellur argumente në mbrojtje të tij, të cilat komisioni do t’i vlerësojë me kujdes” përpara se të marrë një vendim përfundimtar për hapat e zbatimit.
Komisioneri dixhital, Thierry Breton, tha se platforma e ndarjes së videove në pronësi kineze kishte “dështuar” të provonte se TikTok Lite, respektoi detyrimet sipas aktit, duke e përshkruar shërbimin si “toksik”.
Komisioni tha se “veçoria e shpërblimit” mund të pezullohet në bllok nëse TikTok nuk jep një përgjigje të kënaqshme ndaj shqetësimeve të rregullatorëve në lidhje me ndikimin në shëndetin mendor të përdoruesve. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251