Nova: Vuçiq flet gjithë ditën për Srebrenicën që ta fsheh debaklin e tij në Kosovë

Derisa qeveria serbe është e zënë me përpjekjet për të penguar miratimin e Rezolutës për Srebrenicën, Kosova po shkon drejt anëtarësimit në Këshillin e Evropës.

Serbia po përpiqet ta parandalojë këtë, edhe pse është zotuar që të mos e bëjë këtë në marrëveshjet e mëparshme në Bruksel.

Derisa Kosova po hyn në një organizatë të rëndësishme, opinioni publik serb vërshohet me informacione për rezolutën.

“Raportet e gazetave dhe paraqitjet e zyrtarëve serbë janë plot me premtime se Serbia do të luftojë për të parandaluar miratimin e Rezolutës “famëkeqe” për Srebrenicën në Asamblenë e Përgjithshme të Kombeve të Bashkuara”, shkruan Nova.

Sipas këtij mediumi, propozimi për gjenocidin nuk ka fuqi ligjore, sepse rezolutat nuk prodhojnë asnjë detyrim ligjor.

“Në përmbajtjen e tij nuk thuhet se serbët janë një komb gjenocidal, të cilin udhëheqja shtetërore dëshiron ta imponojë si temë”.

Ata thonë se Perëndimi dëshiron t’i vërë etiketën e imoralitetit një kombi, por Serbia do të luftojë.

Për këtë, ish-kryetari i Asamblesë së Përgjithshme të OKB-së dhe Partisë Popullore, Vuk Jeremiq, do t’ia marrë personalisht letrën presidentit Aleksandar Vuçiq, për të penguar vendimin për shpalljen e serbëve si një komb gjenocidal.

Sipas NOVA-s, dokumenti i lartpërmendur, nëse miratohet, nuk do të detyrojë askënd që të ndryshojë qëndrimin e tij në lidhje me atë që ndodhi në Bosnje dhe Hercegovinë në vitin 1995, dhe vetë teksti nuk përmend as që serbët janë gjenocidal, por se 11 korriku duhet shpallur Dita Ndërkombëtare e Përkujtimi i gjenocidit filloi 29 vjet më parë.

Përmbajtja e këtij dokumenti e cila është publikuar ekskluzivisht nga Nova.rs, konfirmon se gishti i fajit nuk është drejtuar nga i gjithë populli serb, të cilin pushteti me këmbëngulje përpiqet ta paraqesë.

Duke folur për këtë temë, presidenti i Serbisë Aleksandar Vuçiq tha se SHBA-ja, Italia dhe Franca janë bashkë-sponsorizues të rezolutës dhe se Beogradi ka marrë qëndrim zyrtar se vendet e përmendura do të luftojnë dhe lobojnë për miratimin e saj./Telegrafi/