Florentino Perez ka rënë në dashuri me yllin e RB Leipzig, nuk përjashtohet mundësia për transferimin e tij këtë verë

Real Madrid ka kaluar në çerekfinale të Ligës së Kampionëve me rezultat të përgjithshëm prej 2-1 ndaj RB Leipzig.

Në stadiumin e tyre, madrilenët mbrojtën avantazhin 1-0 të ndeshjes së parë edhe pse në fund vuajtën shumë.

Ndeshja kthyese u mbyll 1-1, me Leipzig që ishte shumë më afër fitores, me Dani Olmon që goditi shtyllën në minutën e 92-të.

Ish-lojtari i Dinamos nga një situatë e vështirë tentoi të mposht portierin e Real Madridit, Andrij Lunin, por përpjekja e tij mjeshtërore përfundoi në traversë dhe rezultati mbeti 1-1.

Olmo luajti një ndeshje cilësore, ashtu si edhe shokët e skuadrës, por nuk mjaftoi për të eliminuar mbretërit. Klubi madrilen ka hyrë në çerekfinale dhe deri më tani këtë fazë e kanë siguruar edhe Manchester City, PSG dhe Bayern Munich.

Sipas mediave spanjolle, Dani Olmo është ende objekti i bisedës në kryesinë e Real Madridit.

Lexo po ashtu Paraqitje spektakolare nga RB Leipzig, por Real Madridi nuk lejon befasi dhe kalon në çerekfinale të Ligës së Kampionëve

Sipas Defensa Central, që citohet nga disa media të tjera spanjolle, presidenti i Real Madridit, Florentino Perez ka rënë në dashuri me lojën e Olmos.

Gazeta spanjolle shkruan se Perez ishte i kënaqur me atë që Olmo tregoi në fushë dhe se e lavdëroi publikisht te drejtuesit e tjerë, por edhe te njerëzit e RB Leipzig.

Media spanjolle shkruajnë se Real Madridi tashmë ka mjaft mesfushorë sulmues, por askush nuk e di se çfarë do të sjell afati kalimtar veror.

Pra Perez ishte i kënaqur, ndaj nuk përjashtohet që ai t’i bëjë një vend në skuadër në afatin kalimtar të ardhshëm vetëm për të qenë në gjendje që të sjellë Olmon në Madrid. /Telegrafi/