Inzaghi pret ndeshjen e 300-të në Serie A, rekord fitoresh duke lënë mbrapa emra të mëdhenj trajnerësh

Simone Inzaghi do të marrë drejtimin e ndeshjes së tij të 300-të të Serie A, kur Interi i tij të përballet me Genoan të hënën mbrëma, një ndeshje që do të thyejë rekorde për trajnerin italian.

Nerazzurrët kanë vazhduar të rriten nën drejtimin e trajnerit 47-vjeçar gjatë tre viteve të fundit dhe tani ata janë në pozitën kryesore për të ngritur Scudetton e tyre të 20-të, me 12 pikë përpara Juventusit të vendit të dytë pas 26 ndeshjesh.

Interi konsiderohet gjithashtu favorit i jashtëm në Ligën e Kampionëve pas përfundimit të tyre në vendin e dytë sezonin e kaluar, dhe puna e Inzaghit i ka dhënë atij vlerësime nga e gjithë Evropa. Javët e fundit, një pjesë e gjigantëve të Ligës Premier kanë eksploruar të ardhmen e tij përpara verës.

Lexo po ashtu Tre gjigantët e Ligës Premier e duan Simone Inzaghin

Gazzetta dello Sport detajon se si Inzaghi do të arrijë një moment historik kur Interi të përballet me Genoan të hënën, duke mbikëqyrur ndeshjen e tij të 300-të të Serie A si trajner.

Në mënyrë të pabesueshme, italiani është trajneri më i suksesshëm në historinë e Serie A pas arritjes së këtij momenti historik, pasi ka siguruar 178 fitore nga 299 ndeshje në ligë, me 50 barazime dhe 71 humbje gjatë viteve të tij me Lazion dhe Inter.

Inzaghi ka arritur mesatarisht 1.95 pikë për ndeshje në këtë kohë, duke pasur një mesatare fitoresh prej 60%. Një aspekt që e ndihmon Inzaghin është se ai filloi menjëherë me Lazion, krahasuar me trajnerët tjerë të cilët kanë punuar me skuadra më të dobëta më herët në karrierën e tyre.

Pas Inzaghit vijnë Carlo Ancelotti me 172 fitore dhe Massimiliano Allegri me 171 fitore, ku të dy kanë një mesatare prej 57 për qind të fitoreve.

Megjithatë, Inzaghi qëndron mbrapa Ancelottit në mesataren e pikëve për ndeshje shkaku i më shumë humbjeve, ku trajneri i Real Madridit ka vetëm 51 humbje dhe një mesatare prej 1.98 pikë për ndeshje.

Në top 10 gjenden emra të mëdhenj si Helenio Herrera, Giovanni Trapattoni, Fabio Capello, Roberto Mancini, Ëilliam Garbutt, Marcello Lippi dhe Hermann Felsner. /Telegrafi/