Pasuritë e ngrira ruse pritet të shfrytëzohen për rindërtimin e Ukrainës – sa miliarda euro janë në pyetje?

Të dërguarit e Bashkimit Evropian kanë rënë dakord unanimisht për të lënë mënjanë miliarda euro fitime të papritura nga asetet e bankës qendrore ruse të ngrira në Evropë.

Ambasadorët e 27 vendeve të BE-së ranë dakord në parim për hapin e parë të një plani për të ndihmuar në financimin e rindërtimit të Ukrainës pas pushtimit të Rusisë, sipas një burimi nga Belgjika.

Teksti do t’i nënshtrohet kontrolleve ligjore dhe gjuhësore përpara se ambasadorët të kenë mundësinë ta miratojnë zyrtarisht atë, raporton skynews.

Më pas pritet që Komisioni Evropian të propozojë transferimin e parave të lëna mënjanë në buxhetin e BE-së dhe më pas në Kiev, megjithëse është e paqartë se kur do të arrijë në Ukrainë.

Franca dhe Gjermania kanë shprehur tashmë rezerva për planin, ndërsa Banka Qendrore Evropiane ka paralajmëruar se ai mund të minojë besimin në euro dhe të trazojë tregjet globale.

BE-ja, Shtetet e Bashkuara, Japonia dhe Kanadaja ngrinë rreth 300 miliardë dollarë aktive të bankës qendrore ruse në vitin 2022. Rreth 200 miliardë dollarë prej tyre mbahen në Evropë, kryesisht në shtëpinë e kleringut Euroclear, në Belgjikë. /Telegrafi/