Lukaku pritet të largohet nga Roma, klubi arab i përgatit pagë të ëndrrave belgut

Aventura e Romelu Lukakut te Roma mund të përfundojë vetëm pas një viti qëndrimi në kryeqytetin italian.

Në fakt sulmuesi belg është i huazuar te Roma deri në verë dhe Giallorosët nuk kanë blerjen obligative dhe duhet të bindin Chelsean me një ofertë dhe vet futbollistin me një pagë të lartë.

Ditë më parë Roma luajti një miqësore në Arabinë SAudite, derisa Lukaku deklaroi se Superliga arabe brenda disa viteve mund të jetë ndër më të fortat në botë.

Kjo deklaratë e tij u pa si një sinjal për klubet arabe të cilat e kërkuar edhe në verë sulmuesin belg.

Lexo po ashtu “Superliga e Arabisë do të bëhet një nga më të mirat në botë”, Lukaku ia mbyll syrin klubeve saudite

Calciomercato ka raportuar se Al-Hilal është gati t’i ofrojë Lukakut një kontratë dy vjeçare me një pagë të ëndrrave për belgut.

Klubi arab është gati t’i ofrojë 60 milionë euro neto për dy vite pagë Lukakut, pagë që është shumë herë më e lartë se 7,5 milionë euro që fiton ai te Roma.

Nga ana tjetër Chelsea nuk e ka problem ta lejoj të largohet belgun pasi për largimin e tij kërkon 43 milionë euro.

Lexo po ashtu Kanë vendosur t'i ndajnë rrugët zyrtarisht: Chelsea i ka vendosur Lukakut çmimin final

Te Roma duan ta mbajnë sulmuesin e tyre më të mirë, por tani janë në vështirësi pasi nuk mund të konkurrojnë me klubin arab sa i përket pagës së lojtarit.

30-vjeçari këtë edicion në 26 ndeshje zyrtare me fanellën e Romës ka realizuar 15 gola derisa ka asistuar në dy të tjerë. /Telegrafi/