Jenas zbulon dietën e jashtëzakonshme të Gareth Bale për të përballuar ndeshjet, bashkëlojtarët nuk mund ta besonin

Ish-futbollisti i Tottenham Hotspur, Jermaine Jenas, ka treguar se çfarë lloj zakonesh të të ngrënit ka pasur Gareth Bale para ndeshjeve dhe ajo që ka thënë i ka habitur plotësisht të gjithë.

Jenas tha se zakonisht hante një tas me drithëra para ndeshjeve, ndërsa Bale kishte një mënyrë krejtësisht të ndryshme për ushqimin e tij.

“Kjo është mënyra e vetme e të ngrënit që mbaj mend që e kam parë dhe u mahnita. Para ndeshjeve, Bale kishte pesë feta bukë të thekur dhe një mal me fasule të pjekura”, ka thënë fillimisht Jenas.

Ai pranoi se një herë u përpoq të kopjonte këtë rutinë të Bale, por nuk shkoi siç duhej.

“Unë u përpoqa ta kopjoj një herë dhe nuk shkoi mirë”, ka treguar Jenas në një intervistë për mediat angleze.

Bale ishte anëtar i Tottenhamit nga viti 2007 deri në vitin 2013, kur u transferua te Real Madrid dhe e mbylli karrierën pak më shumë se një vit më parë me fanellën e Los Angeles FC.

Jenas është një ikonë e klubit londinez për të cilin luajti 202 ndeshje dhe shënoi 26 gola dhe nuk luan futboll tash e dhjetë vjet. Sot ai punon si komentator në TNT Sports. /Telegrafi/