Georgievski: Palevski ka abuzuar me 50-100 fëmijë dhe ka bërë narkoman në rrugë

Lideri i OBRM-PDUKM-së dhe ish-kryeministri Ljubço Georgievski dje ka theksuar se rasti dhe problemi me të dyshuarin për dy vrasjet, Ljupço Palevski Palço, tregon se si shoqëria krijon kriminel pa u ndëshkuar.

Ai në emisionin “Top Temë” tha se “Palevski mund të ketë keqtrajtuar 50-100 fëmijë, ka bërë narkomanë në rrugë dhe pas tij ka qenë dikush nga MPB”.

“Palevski ka gjashtë krime që nuk janë ndjekur penalisht (armë pa leje, nxjerrje ari, dhunë në familje). Le të bëjmë një komision dhe të shohim se sa është mbrojtur që nga viti 1990. Ndërtimin pa leje që e prishëm, i është paguar 1.5 milionë euro dëmshpërblim. Le të kontrollojë kush është gjyqtari. Të shohim karrierën e tij, sugjeron Georgievski.

“Në momentin që e bën një kriminel bashkëpunëtor dhe i jep gjithnjë e më shumë gjëra, nuk e di nëse kreu i UDBA-së është koka apo krimineli. Kështu ka qenë edhe me Arkanin, me Beli Vuk”, i ka theksuar Georgievski ish-kryeministri i OBRM-PDUKM.

Georgievski po ashtu frikësohet se sistemi nga koha e Jugosllavisë vazhdoi kur prodhohej dhe shitej drogë, kontrabandohej cigare dhe trajnoheshin terroristët, e një nga ato vende, siç thotë ai, ishte “Jaseni”. /Telegrafi/